'झुनझुनवाला प्रसन्न', 'हर्षदलाल मेहता प्रसन्न'; शेअर मार्केट गुंतवणूकदाराची भन्नाट लग्नपत्रिका पाहिलीत का?

सोशल मीडियावर कधी काय व्हायरल होईल सांगता येत नाही. सध्या लग्नाचा हंगाम सुरू झाला आहे. लग्नातील अनेक भन्नाट किस्से सोशल मीडियावर व्हायरल होत असतात, काही दिवसापूर्वी कोल्हापूरातील एक लग्नपत्रिका चांगलीच व्हायरल झाली होती, यात कोल्हापुरी रांगड्या भाषेत लग्नपत्रिका लिहिली होती. आता अशीच एक पत्रिका व्हायरल झाली आहे. यात शेअर मार्केटच्या थीमवर पत्रिका छापली आहे. 

ही लग्नाची पत्रिका सोशल मीडियावर हायरल होत आहे. यामध्ये सर्जनशीलता आणि कल्पनाशक्तीची पातळी पाहून अनेकांनी यावर भन्नाट कमेंट केल्या आहेत. यापूर्वी पेटीएमपासून ते व्हॉट्सअॅप आणि इंस्टाग्राम पॅटर्नपर्यंत अनेक आश्चर्यकारक लग्नपत्रिका व्हायरल होताना दिसल्या आहेत. अलीकडेच, एक लग्नपत्रिका सोशल मीडियावर मोठ्या प्रमाणात व्हायरल होताना दिसली, जी शेअर बाजाराच्या थीमवर बनवण्यात आली आहे. ही लग्नपत्रिका नांदेडमधील आहे.

ही लग्नपत्रिका पाहता हे डॉक्टर शेअर मार्केटचे मोठे फॅन असल्याचे दिसून येत आहे. यावरून प्रभावित होऊन त्यांनी आपल्या लग्नाची पत्रिका भन्नाट पद्धतीने डिझाइन केली आहे. ज्यात हर्षद मेहता या शेअर मार्केटमधील प्रसिद्ध नावाला देवाचा दर्जा दिला आहे. लग्नपत्रिकेच्या सुरुवातीला देवाच्या नावाऐवजी झुनझुनवाला, वॉरन बफे आणि हर्षद मेहता यांची नावे लिहिली आहेत.

यासोबतच कल्पनाशक्ती आणि सर्जनशीलतेचा उत्तम वापर लग्नपत्रिकेमध्ये करण्यात आला आहे. लग्नपत्रिकेत वधू आणि वर दोघांनाही संस्थेचे नाव सांगितले आहे तसेच लग्न समारंभात सहभागी होणारे मित्र आणि कुटुंबातील सदस्यांना गुंतवणूकदार म्हणून सांगितले आहे. सध्या सोशल मीडियावर लग्नपत्रिका चांगलीच व्हायरल झाली आहे.