दुसऱ्यांचा जीव वाचवण्यासाठी स्वत;चा जीव धोक्यात टाकण्यासाठी खरंच मोठी हिंमत लागते. आज जिथे एक माणूस अडचणीत सापडलेल्या दुसऱ्या माणसाला मदत करत नाही तिथे एका व्यक्तीने आपल्या जीवाची पर्वा न करता रस्ता पार करत असलेल्या सापाचा जीव वाचवला. इन्स्टाग्रामवर या व्यक्तीचा व्हिडीओ व्हायरल (Viral Video) झाला आहे. हा व्हिडीओ पाहून सगळेच हैराण झाले आहेत.
व्हिडीओत तुम्ही बघू शकता की, एका रहादारीच्या रस्त्यावर तीन ते चार फुटाचा साप (Snake Viral Video) जात होता. सापाला बघून रस्त्यावर अनेक गाड्या थांबतात. काही लोक आपल्या बाइक थांबवतात. पण दुसरीकडून लोक ये-जा करत होते. अशात एक साप सरपटत आला. यावेळी एका व्यक्तीने बाइक थांबवली आणि साप हाती पकडला. या व्यक्तीसोबत बाइकवर एक महिला बसली होती. जी त्या सापाला बघून लगेच उतरून बाजूला गेली.
व्हिडीओ बघून काही लोक सापाचा जीव वाचवण्यासाठी त्याला शाबासी देत आहेत तर काही त्याच्या बहादुरीला सलाम करत आहेत. तेच महिला लगेच बाइकवरून उतरल्याने अनेकजणांना हसू आवरत नाहीये. अनेकजणांनी महिलेची खिल्ली उडवली आहे. सापांचे अनेक जंगलातील अनेक व्हिडीओ तुम्ही पाहिले असतील. पण असा पाहिला नसेल. आणि ज्याप्रकारे महिला घाबरून बाइकवरून खाली उतरली तेही कधी बघायला मिळालं नसेल. त्यामुळेच हा व्हिडीओ व्हायरल झाला आहे.