भारतात प्राण्यांच्या अनेक प्रजाती या नामशेष होण्याच्या मार्गावर आहेत. कारण अनेक लोक मौजेसाठी, आवडीसाठी शिकार करतात. करावे तसे भरावे असं तुम्ही ऐकलंच असेल. असाच काहीसा प्रकार सोशल मीडियावर सध्या व्हायरल होत आहे. या व्हायरल व्हिडीओमध्ये मुक्या जीवाला मारताच शिकारीच स्वत:च्या बंदुकीचा शिकार झाला आहे. हा व्हिडीओ पाहून तुम्हाला चुकीच्या कामाची शिक्षा कशी मिळते याचा प्रयत्य येईल.
आयएफएस अधिकारी सुशांत नंदा यांनी हा व्हिडीओ सोशल मीडियावर शेअर केला आहे. या व्हिडीओमध्ये एक शिकारी शिकार करताना दिसतो आहे. ज्या क्षणी शिकारी शिकार करतो त्याच्या दुसऱ्याच क्षणी त्याला त्याची शिक्षाही मिळते, असा हा व्हिडीओ आहे. तुम्ही जसं देता तसंच तुम्हालाही मिळतं, असं कॅप्शन सुशांत नंदा यांनी याला दिलं आहे.
शिकार करताना हा माणूस काही अंतरावरच असलेल्या प्राण्यावर तो आपल्या बंदुकीचा नेम धरतो. एक गोळी त्या प्राण्यावर झाडतो. शिकाऱ्याचा नेमही अचूक लागतो. त्याच्याजवळ असलेल्या एका लाकडाच्या आधारावर तो बंदूक उभी करतो आणि ज्या प्राण्याची शिकार केली त्याच्या दिशेनं तो जातो. काही अंतरापर्यंत तो जातो आणि ज्या लाकडाच्या आधारे तो बंदूक उभी करतो ते लाकूड पडतं सोबत बंदूकही पडते आणि बंदुकीतून आपोआप गोळी सुटते. हृदयद्रावक! आयसीयुमधील कोरोनाग्रस्त आजोबांना डॉक्टरांनी दिली हळवी गळाभेट, फोटो व्हायरल
बंदुकीतून बाहेर पडलेली गोळी थेट शिकाऱ्याला लागते. त्याचा पायावर ही बंदूक लागून तो जमिनीवरच कोसळतो. त्यानंतर कसंतरी स्वत:ला सावरत तो उभा राहतो. हा व्हिडीओ पाहून अनेकांची झोपच उडाली आहे. सोशल मीडिया युजर्सनी या व्हिडीओवर लाईक्सचा वर्षाव केला आहे. आतापर्यंत १२ हजारांपेक्षा जास्त लोकांनी हा व्हिडीओ पाहिला आहे. १ हजारापेक्षा लोकांनी या व्हिडीओला लाईक केलं आहे. वाह, नशिब चमकलं! भारताच्या 'या' गावात सापडलं हिऱ्याचं भांडार; अन् लोकांना कळताच.....