जगातल्या सर्वात सुंदर नात्यांपैकी एक नातं म्हणजे भाऊ-बहिणीचं नातं. सोबत खेळणं, रागावणं, भांडणं हे सर्वच या नात्यात सतत सुरु असतं. भावा-बहिणीचं हेच प्रेम दाखवणारा एक क्यूट व्हिडीओ सध्या सोशल मीडियात व्हायरल झाला आहे. यात छोटे भाऊ-बहीण फ्रीली आणि जॅक्सन खेळत आहेत.
फ्रीली आणि जॅक्सन कॅलिफोर्नियातील असून ते बास्केटबॉल खेलत होते. तेव्हाच त्यांची आई साराहने हा व्हि़डीओ रेकॉर्ड केला आणि इन्स्टाग्रामवर शेअर केला. व्हिडीओमध्ये फ्रीली ही बॉल बास्केटमध्ये टाकण्याचा प्रयत्न करत आहे. पण तिला ते जमत नाहीये. अशात ती अचानक रडू लागते. हे बघून तिचा भाऊ जॅक्सन तिला लगेच मिठी मारतो. तिला शांत करण्याचा प्रयत्न करु लागतो.
त्यानंतर व्हिडीओमध्ये जे होतं ते पाहून कुणीही भावूक होईल. भाऊ जॅक्सन फ्रीलीच्या हाती बॉल देतो आणि तिला उचलून घेऊन बास्केटमध्ये बॉल टाकण्यास सांगतो. फ्रीली जसाही बास्केटमध्ये बॉल टाकते तशी ती रडणं विसरून जोरजोरात हसायला लागते.