रोल्स-रॉयल्स आणि बुगाटी सारख्या गाड्यांचा होता ताफा; आयकर छाप्यानंतर सीईओंनी उचलले टोकाचे पाऊल

काही दिवसापूर्वी आयकर विभागाच्या छाप्यानंतर कॉन्फिडंट ग्रुपचे अध्यक्ष डॉ. सी.जे. रॉय यांनी जीवन संपवले. दरम्यान, आता त्यांच्या आलिशान जीवनशैलीबद्दल बरीच चर्चा सुरू आहे. त्यांच्या आलिशान गाड्यांच्या ताफ्याची मोजणी केली जात आहे. ५२ वर्षीय रॉय हे त्यांच्या आलिशान जीवनशैलीसाठी प्रसिद्ध होते. त्यांच्या महागड्या गाड्यांमुळे ते अनेकदा सोशल मीडियावर व्हायरल होत होते. त्यांनी वयाच्या अवघ्या २५ व्या वर्षी त्यांची पहिली कार खरेदी केली होती. त्यांच्या मते, त्यांनी २००५ मध्ये त्यांची पहिली कार खरेदी केली होती, ती पांढऱ्या रंगाची लिमोझिन होती. ती कार अजूनही त्यांच्याकडे होती.

'भारताने तेल खरेदी थांबवणार असे म्हटले नव्हते'; डोनाल्ड ट्रम्प यांच्या दाव्यानंतर रशियाकडून प्रत्युत्तर

गेल्या काही वर्षांत, त्यांच्या गॅरेजमध्ये गाड्यांची संख्या झपाट्याने वाढली आहे. त्यांची कंपनी आणि डॉ. रॉय स्वतः व्यावसायिक जगात प्रसिद्ध नव्हते, पण त्यांच्याकडे प्रसिद्ध गाड्यांचा संग्रह होता. त्यांच्या गॅरेजमध्ये लॅम्बोर्गिनी आणि बुगाटीसह अनेक रोल्स-रॉइस होत्या. नोव्हेंबर २०२५ मध्ये त्यांनी १२ कोटी रुपयांची लक्झरी रोल्स-रॉइस खरेदी केली. सोशल मीडिया पोस्टमध्ये त्यांनी ती जगातील सर्वोत्तम सेडान म्हटले होते. त्यांनी २००८ मध्ये त्यांची पहिली रोल्स-रॉइस खरेदी केल्याचा दावा केला. त्यानंतर, त्यांनी इतर अनेक गाड्या घेतल्या.

गेल्या वर्षी जुलैमध्ये ते एका सुंदर निळ्या फेरारीसोबत दिसला होते. शिवाय, या पोस्टसोबत त्यांनी लिहिलेल्या कॅप्शनमुळेही बरीच चर्चा झाली. फेरारीतील साधेपणाबद्दल बोलताना रॉय यांनी लिहिले, "पैशाने काहीही खरेदी करता येते, पण साधेपणा नाही. तुम्ही चप्पल घालूनही फेरारी चालवू शकता." रॉय अनेकदा सोशल मीडियावर त्याच्या गाड्यांबद्दल बोलायचे. 

आयकर विभागाकडून कारवाई

गेल्या काही महिन्यांपासून, त्यांची कंपनी आणि रॉय यांना आयकर विभागाकडून कारवाईचा सामना करावा लागत होता. त्यांनी १६ डिसेंबर २०२५ रोजी कर्नाटक उच्च न्यायालयात या विरोधात याचिका दाखल केली होती. त्यांच्या याचिकेत त्यांनी छाप्याच्या कायदेशीरतेवर प्रश्न उपस्थित केले होते. त्यांनी कोणतेही कारण न देता ४८ तासांच्या आत ही याचिका मागे घेतली. त्यामुळे न्यायालयात या प्रकरणाची सुनावणी होऊ शकली नाही. गेल्या शुक्रवारी, आयकर विभागाच्या एका पथकाने त्यांच्या कार्यालयाला भेट दिली. त्यानंतर त्यांनी आत्महत्या केली.