मुंबई - अनेकदा सोशल मीडियावर व्हॉट्सअॅप चॅट व्हायरल झाले आहेत. त्यापैकी, बहुतांश चॅट हे वादग्रस्त किंवा गर्लफ्रेंड आणि बॉयफ्रेंड यांच्या प्रेमातील संवादच असतात. मात्र, सोशल मीडियावर आई-मुलाच्या प्रेमाचा एक चॅट व्हायरल झाला आहे. काही दिवसांपूर्वी एक असाच आई-मुलाच्या प्रेमाचा व्हिडिओ व्हायरल झाला होता. त्यामध्ये, आई मुलांसाठी ऑफिसमध्येच जेवणाचा डब्बा घेऊन येते. मात्र, आईला पाहून मुलाला राग येतो. पण, कालांतराने मुलाच्या चूक लक्षात येते आणि आई-मुलाच्या प्रेमाचा डान्स व्हायरल होतो. आताही असाच एक प्रसंग घडला आहे. तो व्हॉट्सअॅप चॅटमधून समोर आलाय.
मुलगा मीटिंगमध्ये असताना त्याच्या आईने काळजीपोट त्याच्याशी संवाद साधला होता. शेवटी आईने ''आय लव्ह यू'' असा मेसेज केल्याचं पाहायला मिळत आहे. या मेसेजवरुन आई-मुलाच्या प्रेमाचा भावनिक चॅट व्हायरल झाला आहे. आईचं प्रेम म्हणजे कशातही तोलता येत नाही. म्हणूनच म्हटले जाते, आईसारखे दैवत साऱ्या जगतावर नाही. आई-मुलाच्या या संवादाने सोशल मीडियाही भावूक झाला असून आईचं प्रेम असंच असतं. आईसारखं प्रेम दुसरं कोणीही करू शकत नाही, असे नेटीझन्सने मह्टले आहे.
या दोघांच्या चॅटवरुन आईने मुलाला मेसेज केला होता. त्यावर, मुलाने आईला मिटींगमध्ये बिझी असल्याचं सांगितल्याचं दिसत आहे. तसेच, काही अर्जंट हे का?’ असं मुलाने विचारलं असता आईने दिलेला रिप्लाई खूप मजेदार आणि भावूक करणारा आहे. ''समजलं, पण मला फक्त तुला ‘आय लव्ह यू’ म्हणायचं होतं.'', अशा शब्दात आईने रिप्लाय दिला, जो नेटीझन्सला भावूक करुन गेला. हा संवाद वाचणाऱ्या प्रत्येकाला आपली आई आणि आईच्या प्रेमाची आठवण झाल्याशिवाय राहणार नाही. एका ट्विटर युजर्सने हा चॅट शेअर केला आहे. त्यासोबतच, माझ्या आईला माझेही खूप खूप प्रेम... असे कॅप्शन दिलं आहे.