Viral Video : सोशल मीडीयावर वेगवेगळ्या प्रकारचे व्हिडीओ व्हायरल होत असतात. त्यांना ना विषयाचं बंधन असतं ना मर्यादा. असाच एक लक्षवेधी व्हिडीओ नुकताच समोर आलाय. या व्हिडीओमध्ये कोणत्याही मेकॅनिकला लाजवेल अशी आयडिया या तरूणाने केली आहे.
व्हिडीओमध्ये चारचाकी गाडीचा अ‍ॅक्सेलेरेटर दुचाकीला लावण्याचा भन्नाट जुगाड एका तरुणाने केला आहे. सोशल मीडियावर हा व्हिडीओ व्हायरल होण्याचं कारण म्हणजे तरूणाची अनोखी कल्पना. त्यामुळेच हा व्हिडीओ नेटकऱ्यांच्या पसंतीस उतरला आहे. विशेष बाब म्हणजे दुचाकीवर पाय ठेवण्याच्या स्टँडवर या तरूणाने अ‍ॅक्सेलेरेटर बसवला आहे. त्यामुळे या दुचाकीचा फायदा दिव्यांग व्यक्तीलादेखील होऊ शकतो. असं नेटकऱ्यांचं म्हणणं आहे.
साधारणत: १६ नोव्हेंबरला हा व्हिडीओ शेअर करण्यात आला. इंस्टाग्रामवरील एका यूजरने हा व्हिडीओ शेअर केल्याची माहिती मिळते आहे. नेटकऱ्यांनी तरुणाच्या या व्हिडीओवर कमेंट्सचा वर्षाव केला आहे. आतापर्यंत ५ कोटींहून अधिक लोकांनी हा व्हिडीओ पाहिला आहे.
येथे पाहा व्हिडीओ: