सिनेमांमध्ये स्पायडर मॅनला व्हिलनसोबत लढताना तुम्ही अनेकदा पाहिलं असेल. पण सोशल मीडियावर एक व्हायरल झालेला व्हिडीओ पाहून तुम्ही थक्क व्हाल. कारण यात जे तुम्ही बघाल त्यावर तुमचा विश्वास बसणार नाही. हा व्हिडीओ आहे नायजेरियातील लागोस शहरातील. इथे दोन व्यक्ती रस्त्यावर लढत होते. एका स्पायडर मॅनचं कॉस्च्युम घातलं होतं तर दुसऱ्याने सांता क्लॉजचं. याच कारणाने या दोघांचा व्हिडीओ सोशल मीडियावर व्हायरल झालाय. यातील सर्वात भारी क्षण म्हणजे सांता हवेत उडून स्पायडर मॅनला मारतो तो....
हा व्हिडीओ ट्विटर यूजर @Naija-PR ने ९ डिसेंबरला शेअर केला होता. ज्यात हे दोन व्यक्ती इतके फेमस कॉस्च्युम घालून भर रस्त्यात भांडत आहेत. दोघे कोणत्या कारणाने भांडत आहेत याचं कारण समोर येऊ शकलं नाही. पण ही अनोखी फाइट बघून इंटरनेटवरील लोक पोट धरून नक्कीच हसत आहेत.
अर्थातच सिनेमात आपण नेहमीच बघितलं आहे की, स्पायडर मॅन मोठ मोठ्या व्हिलन्सना मारतो आणि त्यांच्यावर विजय मिळवतो. अर्थातच इथेही तसं झालं असेल असं अनेकांना वाटत असेल. पण इथे उलट झालं आहे. अनेकांना वाटतंय की, इथे सांता क्लॉजने स्पायडर मॅनला हरवलं आहे.