नवी दिल्ली : दिल्लीतील एका पोलीस स्टेशनमधील व्हिडीओ खूप व्हायरल (Viral Video) होत आहे, जिथे काही लोक पोलीस कॉंस्टेबलला (Police Constable) मारहाण करत आहे. पोलीस स्टेशनमध्ये गर्दी जमल्याचा फायदा घेत काही टाळक्यांनी चक्क पोलिसांवरच हात उभारला, तर काही लोक मारहाणीचा व्हिडीओ काढण्यात मग्न होते. माहितीनुसार, ही घटना नवी दिल्लीतील आनंद विहार येथील पोलीस स्टेशनमधील आहे.
क्रूरपणाचा कळस
दरम्यान, १० ते १२ लोकांनी पोलीस हवालदाराला घेरून मारहाण केल्याचे व्हिडीओमध्ये दिसत आहे. तर काही लोक घटनेचा व्हिडीओ काढत आहेत मात्र ते पोलिसाची मदत करण्यास पुढे सरसावले नाहीत. विशेष म्हणजे मारहाण झालेला कॉंस्टेंबल हा आनंद विहार स्टेशमधील हेड कॉंस्टेबल आहे. कॉंस्टेबलने अनेकवेळा माफी मागितली मात्र लोक मारपीट करूनच शांत बसले. खरं तर ही घटना ३१ जुलै रोजी घडली आहे मात्र सध्या सोशल मीडियावर हा व्हिडीओ प्रचंड व्हायरल होत आहे.
वृत्तसंस्था एनआयएने दिलेल्या माहितीनुसार, व्हायरल होत असलेला व्हिडीओ दिल्लीतील शाहदरा येथील आनंद विहार पोलिस स्टेशनमध्ये काही लोक हेड पोलिस कॉंन्स्टेबलला मारहाण करत असल्याचा आहे. प्राथमिक माहितीनुसार हा की व्हिडिओ ३१ जुलैचा आहे आणि आता त्यावर कायदेशीर कारवाई केली जात आहे.