न्यूयॉर्कच्या ब्राइटन बीचवर गेल्या काही दिवसांपूर्वी एक विचित्र जीव बघायला मिळाल. समुद्रात राहणारा हा जीव जिवंत नव्हता. पण असा जीव याआधी कधीही बघण्यात आला नव्हता. हा जीव समुद्राच्या किनाऱ्यावर आला होता, त्यामुळे त्याला बघण्यासाठी लोकांनी एकच गर्दी केली होती. या विचित्र मृत जीवाला आता वैज्ञानिकांकडे सोपवण्यात आलं आहे. ते या जीवाबाबत शोध घेत आहेत.
डेली स्टारच्या वृत्तानुसार, ब्रायइट बीचवर पाहणारी लिया डेनिसन काही दिवसांपूर्वी सकाळी फिरायला गेली होती. तेव्हा तिची नजर अचानक या विचित्र जीवावर गेली होती. लिया तिच्या बॉयफ्रेन्डसोबत होती. त्यानंतर अनेक लोक हा जीव बघण्यासाठी जमा झाले होते.
सर्वात अजब बाब म्हणजे या जीवाला एक लांब शेपूट होतं आणि त्यावर दातही होते. लियाने सांगितले की, आम्ही असा प्राणी किंवा जीव याआधी कधीही पाहिला नाही. लियाने या जीवाबाबत सिक्युरिटीला माहिती दिली, त्यानंतर जवळच असलेल्या एका लॅबमधील वैज्ञानिक हा जीव घेऊन गेले.
लियाने सांगितले की, तिने या जीवाचा एक व्हिडीओ सोशल मीडियावर शेअर केला होता. पण तिथेही कुणी हे सांगू शकले नाही की, हा जीव आहे काय. काही लोक म्हणाले की, हा जीव समुद्रात आढळणाऱ्या थॉर्नबॅक रे च्या प्रजातीशी संबंधित आहे. काही म्हणाले की, हा जीव समुद्रात फार खोलवर राहतो आणि हे लुप्त झाले आहेत.