मार्वल्स फॅन्स गेल्या कित्येक दिवसांपासून Avengers Endgame या सिनेमाची वाट बघत होते. अखेर हा सिनेमा २६ एप्रिलला रिलीज झाला. पण फॅन्स तर फॅन्स असतात, त्यांचं काही केलं जाऊ शकत नाही. असाच एक फॅन आहे Cyrille, हा नुसता फॅन नाही तर डायहार्ड फॅन आहे. इतका की, त्याने त्याच्या गर्लफ्रेन्डसमोर अजब अटी ठेवल्या आहेत. त्याही सिनेमा बघण्यापूर्वी. खरंतर या अटी वाचल्यावर कोणतीही गर्लफ्रेन्ड सामान्यपणे ब्रेकअपचं करेल आणि असंही म्हणेल की, जा एकटाच बघून ये तू सिनेमा.....मोठा आला Avengers चा फॅन वॅन.....
Kamilla Rose ने ही पोस्ट ट्विटरवर शेअर केली आहे. Cyrille हा तिचा बॉयफ्रेन्ड आहे. त्याने त्याच्या अटींमध्ये सांगितले आहे की, ती सिनेमा सुरु असताना काही खाऊ शकत नाही. साधं पॉपकॉर्नही नाही. इतकेच काय पॉपकॉर्नच्या लाइनमध्येही उभं रहायचं नाही. त्याहून कहर म्हणजे सिनेमा सुरु असताना वॉशरुमला पण जायचं नाही. तेही सिनेमाचे एंडिंग क्रेडिट्स पूर्ण संपेपर्यंत. ती केवळ काही आपात्कालीन स्थिती असेल तर मुलाला भेटण्यासाठी ती सिनेमा मधेच सोडण्याची रिस्क घेऊ शकते. पण तो जाणार नाही, तो तिला सिनेमा पूर्ण पाहून झाल्यावरच तिला भेटायला जाणार.
आता सोशल मीडियातील लोक या पोस्टची चांगली मजा घेत आहेत. Avengers चे फॅन्स असेच असतात. काही लोकांनी तर ते सिंगल असल्यावरुन आनंद व्यक्त केला.
ही पोस्ट पाहून काही लोकांना या महिलेच्या बॉयफ्रेन्डचं कौतुक वाटलं तर काही लोकांना ते सिंगल असल्याचा आनंद झाला. पण काहीही असो फॅन्स असतात फारच मजेदार.