(Lions video) पाहायला कुणाला आवडणार नाही. त्यासाठी आपण जंगल सफारी, नॅशनल पार्कमध्ये जातो. पण सिंह तो सिंह... जो जंगलाचा राजा. कितीही पाहावासा वाटला तरी त्याला पाहताच आपल्याला धडकी भरतेच. सिंह समोर आला की हृदयाचे ठोके वाढतात. सिंह दिसला म्हणून कुणीही त्याच्या अगदी जवळ जाणार नाही. पण एका व्यक्तीने अशी नको ती डेअरिंग केली. त्याने चक्क सिंहासोबत सेल्फी घेण्याचा प्रयत्न केला (Man taking selfie with lions).
जंगल सफारी, नॅशनल पार्कमध्ये गेल्यावर सिंह दिसताच आपल्या हातात कॅमेरे येतात आणि आपण त्या सिंहाला आपल्या कॅमेऱ्यात कैद करण्याचा प्रयत्न करतो. सिंहाचा फोटो, व्हिडीओ काढणं ठिक आहे पण सिंहासोबत सेल्फी काढण्याचा विचार आपण स्वप्नातही करणार नाही. एखाद्या ठिकाणी फिरायला गेलो तिथं माकड, हत्ती असे प्राणी दिसलं की सेल्फी काढण्याचा मोह आपल्याला आवरत नाही. पण सिंहासोबत सेल्फी नको रे बाबा. सेल्फीपेक्षा आपला जीव बरा. या सेल्फीच्या नादात आपला जीव जायला नको असंच आपण म्हणून. पण हा तरुण मात्र भलताच डेअरिंगबाज निघाला.
व्हिडीओत पाहू शकता दोन भलमोठे सिंह दिसत आहे. एक सिंह झाडाच्या खोडावर आणि एक जमिनीवर उभा आहे. या दोन्ही सिंहांच्या समोर हा तरुण छाती ताणून उभा राहतो. तो सिंहांच्या इतक्या जवळ आहे की पाहून आपल्या अंगावर काटा येतो. तरुण सिंहांच्या पुढे उभा राहून सेल्फी काढताना दिसतो. मागे उभे असलेले सिंह त्याच्याकडे पाहत असतात. सेल्फीसाठी या तरुणाने आपला जीवच धोक्यात टाकला आहे. सुदैवाने या व्हिडीओत तरी सिंह या तरुणावर हल्ला करताना दिसत नाही आहेत आणि देव न करो तसं काही झालं असावं.
हा व्हिडीओ पाहूनच सर्वजण हैराण झाले आहेत. या तरुणाने जो मूर्खपणा केला तसा तुम्ही बिलकुल करू नका. सेल्फीपेक्षा जीव महत्त्वाचा आहे. त्यामुळे अशा हिंस्र प्राण्यांना आपल्या कॅमेऱ्यात कैद करण्यापर्यंत ठिक पण स्वतःला त्यांच्यासोबत कॅमेऱ्यात कैद करण्याचा प्रयत्न मात्र बिलकुल करू नका.