गायी, म्हशी, बैल, हत्ती, डॉगी या प्राण्यांची मस्त साबण लावून आंघोळ करतानाचे व्हिडीओ तुम्ही अनेक पाहिले असतील. पण कधी तुम्ही सापाला शाम्पूने आंघोळ घालताना पाहिलं का? नक्कीच पाहिलं नसेल. सोशल मीडियावर हेच दाखवणारा एक व्हिडीओ व्हायरल झाला आहे. या व्हिडीओत एक व्यक्ती किंग कोब्राला आंघोळ घालताना दिसत आहे. तो सापाची एखाद्या बाळासारखी आंघोळ घालत आहे. हा नजारा पाहून हैराण झाले आहेत.
44 सेकंदाच्या या व्हिडीओत तुम्ही बघू शकता की, एक तरूण सापाला आंघोळ घालत आहे. तो शाम्पू सापाच्या शरीरावर चांगल्या प्रकारे लावतो. त्यानंतर सावधानतेने सापावर पाणी टाकतो. आंघोळी दरम्यान साप पूर्णपणे शांत होता. त्याने आंघोळीचा पुरेपूर आनंद घेतल्याचं स्पष्ट दिसतं.
हा व्हिडीओ @DPrasanthNair नावाच्या ट्विटर हॅंडलवर मंगळवारी शेअर करण्यात आला होता. त्यांनी कॅप्शनमध्ये लिहिलं होतं की, मनुष्य आणि सापातील प्रेम बघा. बॅकग्राउंड एका मल्याळी सिनेमातील गाणं वाजत आहे. ज्यात एका वडील मुलाला आंघोळ घालताना दिसतो. या व्हिडीओला आतापर्यंत ८ हजारांहून अधिक व्ह्यूज मिळाले आहेत आणि जवळपास 100 लाइक्स मिळाले आहेत. लोक यावर वेगवेगळ्या कमेंट्सही करत आहेत.