सोशल मीडियावर तीन शेतकऱ्याचा व्हिडीओ व्हायरल होत आहे. हा व्हिडीओ पाहून अनेकांना बळीराजाच्या या अवस्थेची दया येत आहे तर अनेकजण भावूक झाले आहेत. या व्हिडीओमध्ये शेतकरी चिखलात लावणी करताना दिसून येत आहे. यंत्रसामग्रीच्या अभावामुळे अशाप्रकारे झोपून पीकाची लावणी करण्याची वेळ आली आहे. तुम्ही या व्हिडीओमध्ये पाहू शकता की, पुढे उभी असलेली दोन माणसं पोटावर झोपलेल्या अवस्थेत असलेल्या माणसाला खेचत आहेत. आणि जसंजसं पुढे जात आहे तसतसं वेगाने प्रत्येक ठिकाणी लावणी करत पुढे सरकत आहे.
तुम्हाला दिसून येईल की या माणसाचे संपूर्ण अंग चिखलानं माखलेलं आहे. हा व्हिडीओ कधी आणि कुठे काढण्यात आला आहे याबाबत अद्याप माहिती मिळालेली नाही. सोशल मीडिया युजर्सनी या बळीराजाच्या प्रयत्नांना दाद दिली आहे अनेक भावूक झाले आहेत. तर काहींनी जुगाड केल्याचे म्हटलं आहे.
हा व्हिडीओ अरशद वारसी यांनी ट्विटरवर शेअर केला आहे. या व्हिडीओला आतापर्यंत काही तासात १४ हजारांपेक्षा जास्त लाईक्स आणि १ हजारांपेक्षा जास्त रिट्विटस मिळाले आहे. तर तब्बल २ लाख लोकांनी हा व्हिडीओ पाहिला आहे.
असाच एक व्हिडीओ याआधीही व्हायरल झाला होता. एका शेतकऱ्यानं आपला एक पाय गमावला आहे. अशा स्थितीतही भर पावसात चिखलातून एका पायाचा आधार घेत बळिराजानं आपलं काम सुरू ठेवलं आहे. जर तुम्ही तुमच्या आयुष्यात रोज काम करून कंटाळला असाल किंवा कष्ट करण्यापासून लांब पळण्याचा विचार करत असाल तर हा व्हिडीओ तुमच्यासाठी नक्की प्रेरणादायी ठरेल. आयएफएस अधिकारी मधुमिथा यांनी हा व्हिडीओ सोशल मीडियावर शेअर केला आहे. त्यांनी कॅप्शन दिलं आहे की, या व्हिडीओतील शेतकऱ्याला शब्दांनी न्याय दिला जाऊ शकत नाही.
तुम्ही या व्हिडीओमध्ये पाहू शकता. एक पाय नसतानाही शेतात हा बळीराजा राबत आहे. न डगमगता उत्साहात आणि जद्दीने बळीराजानं आपलं काम सुरू ठेवलं आहे. या व्हिडीओला २ लाखांपेक्षा जास्त व्हिव्हज मिळाले आहेत. १६ हजारांपेक्षा जास्त लोकांनी या व्हिडीओवर लाईक्सचा वर्षाव केला आहे तर ३ हजार लोकांना हा व्हिडीओ रिट्विट केला आहे. हा व्हिडीओ कुठला आहे याबाबत अद्याप माहिती मिळालेली नाही. हा व्हिडीओ पाहून अनेकजण निशब्द झाले आहेत.
हे पण वाचा-
सभागृहात टॉपलेस तरूणीचा फोटो बघताना आढळला खासदार, म्हणे - 'तिला मदत करत होतो'
शोधा म्हणजे सापडेल! केजरीवालांच्या 'या' दोन फोटोंमधील १० फरक ओळखून दाखवा
बापरे! खड्ड्यात अडकलेला ट्रक बाहेर काढायच्या नादात 'असं' काही झालं; पाहा व्हायरल व्हिडीओ
लय भारी! कोरोनाच्या भीतीनं पाणीपुरीवाल्यानं केलेला जुगाड पाहून म्हणाल; वाह क्या बात है...