नियंत्रण सुटलेला जेसीबी दुचाकीस्वाराच्या दिशेने येणार, तितक्यात वेगवान बोलेरो कार आली अन्...

जवळच्या एका सीसीटीव्हीत या अपघाताची दृश्य कैद झाली आहेत. या दरम्यान एक जेसीबी मशीन रस्त्यावरुन जात असताना चालकाचा ताबा सुटतो आणि जेसीबी दुचाकीस्वाराच्या दिशेने येतो

नवी दिल्ली – सध्या सोशल मीडियात एका अपघाताचा व्हिडीओ प्रचंड व्हायरल होत आहे, ‘देव तारी त्याला कोण मारी’ ही म्हण तुम्ही ऐकली असेलच. याचाच प्रत्यय हा व्हिडीओ पाहिल्यानंतर तुम्हाला येईल. या अपघातात एका दुचाकीस्वाराचा जीव वाचला, बोलेरो कार आणि जेसीबीच्या धडकेत या दुचाकीस्वाराचा जीव वाचला. या घटनेचा व्हिडीओ महिंद्रा ग्रुपचे चेअरमन आनंद महिंद्रा यांनी आपल्या ट्विटर अकाऊंटवरुन शेअर केला आहे.

व्हायरल होणाऱ्या या व्हिडीओत तुम्ही पाहू शकता की, एक दुचाकीस्वार रस्त्याच्या कडेला उभा आहे, रस्त्यावरुन वाहनांची आवाजावी सुरु आहे. यात मोठ्या वाहनांपासून छोट्या वाहनांचा समावेश असतो. जवळच्या एका सीसीटीव्हीत या अपघाताची दृश्य कैद झाली आहेत. या दरम्यान एक जेसीबी मशीन रस्त्यावरुन जात असताना चालकाचा ताबा सुटतो आणि जेसीबी दुचाकीस्वाराच्या दिशेने येतो.

बाईकस्वाराचं त्याकडे लक्ष नसतं. तो बाईकवर बसलेला असताना एक वेगवान बोलेरो कार दुसऱ्या बाजूने येते आणि जेसीबीला टक्कर देते. जेसीबी कार रस्त्यावर खाली येतो, तर बोलेरो कार अपघातस्थळी टर्न घेऊन थांबते. या सर्व घटनेत दुचाकीस्वाराला काहीच होत नाही, कारण त्याच्या आणि जेसीबीच्या मध्ये बोलेरो कार येते. हा व्हिडीओ देशातील कोणत्या भागातला आहे याची माहिती नाही, पण सोशल मीडियात व्हायरल होत आहे.

आनंद महिंद्रा यांनी ट्विटरवर हा व्हिडीओ शेअर केला आहे, त्यासोबत लिहिलं आहे की, हे दृश्य पाहिलं तर असं वाटतं बोलेरो जिवंत वस्तू बनली आणि दुचाकीस्वाराचा जीव वाचवणं त्याचे मिशन आहे. हा व्हिडीओ साडेपाच लाखाहून जास्त लोकांनी पाहिला आहे. या अपघातात कोणतीही जीवितहानी झाल्याची माहिती नाही.

ऐसा लग रहा था कि बोलेरो एक जीवित चीज बन गई और उसका एकमात्र मिशन मोटर साइकिल चालक को बचाना था https://t.co/Cki8glWB39

— anand mahindra (@anandmahindra) July 27, 2020