गरमागरम चहासोबत कुरकुरीत टोस्ट (Toast) खायला तुम्हाला आवडत असतीलच. बाजारातून आणलेले हे टोस्ट चहात बुडवून तुम्ही अगदी चवीनं खात असाल. म्हणा, चहासोबत टोस्ट खायची मजाच काही और आहे. तुम्ही ज्या दुकानातून अथवा बेकरीतुन हे टोस्ट तुम्ही घेऊन येता त्याच्यावर तुमचा विश्वास असेलच. पण पुढील व्हिडिओ पाहिल्यावर हा विश्वास ठेवायचा की नाही? हे तुम्हीच ठरवा...हा व्हिडिओ पाहताच तुमची तळपायाची आग मस्तकात जाईल. या् व्हिडिओतील किळसवाणा प्रकार पाहुन तुमच्या अंगावर शिसारी येईल.
हा व्हिडिओ एखाद्या बेकरीमधील असावा. ही बेकरी कुठली आहे हे समजत नाहीये पण व्हिडिओत तुम्ही पाहू शकता ट्रेमध्ये टोस्ट आहेत आणि कामगार त्याच्यावरच पाय ठेवून बसले आहेत. एका कामगाराने तर हद्दच केली आहे. तो ट्रेमधील टोस्टवर पुन्हा पुन्हा आपला पाय मारतो. त्यानंतर ते हातात घेऊन त्यावर थुंकतो, नंतर चाटतो आणि मग पिशवीत भरतो. कामगाराचा हा प्रताप पाहून अक्षरशः किळस वाटतो आणि संतापतही येतो.
हा व्हिडिओ Gidde या इनस्टाग्राम पेजवर पोस्ट करण्यात आला आहे. मात्र हा व्हिडिओ इतरही काही सोशल मिडिया साईट्सवर पोस्ट करण्यात आला आहे. हे पाहिल्यावर तुमचीही टोस्ट खायची इच्छा संपून जाईल. तुम्हाला टोस्ट खावेसे वाटणारच नाहीत. अनेक युजर्सनी यावर कमेंट करत संतप्त प्रतिक्रिया व्यक्त केल्या आहेत. अनेकांनी या बेकरीतील कामगारांच्या अटकेचीही मागणी केली आहे. तसेच काहीजणांनी या पुढे टोस्ट खाणं बंद करत असल्याचं सांगितलंय. हा व्हिडीओ कुठला आहे आणि कधीचा आहे याबाबत माहिती नाही. मात्र, हा प्रकार म्हणजे एकाप्रकारे लोकांच्या जीवाशी खेळच आहे.