Viral Video: लग्नात नवरदेवाच्या मित्रांनी दिलं 'असं' गिफ्ट; पाहून वधूही लाजली, व्हिडीओ व्हायरल!

Wedding Viral Video: आपल्या जवळच्या मित्राचे लग्न म्हटले की मित्र- मैत्रिणी खूप धमाल करतात.

आपल्या जवळच्या मित्राचे लग्न म्हटले की मित्र- मैत्रिणी खूप धमाल करतात. अनेकदा वधू-वराला गम्मत म्हणून काही अतरंगी गिफ्ट दिले जातात. असाच एक भन्नाट व्हीडिओ सध्या सोशल मीडियावर व्हायरल होतोय, ज्यात नवरदेवाचे मित्र त्याला अतरंगी गिफ्ट देतात. हे गिफ्ट पाहिल्यानंतर वधू देखील लाजते. 

व्हायरल होत असलेल्या व्हिडिओमध्ये असे दिसून येते की, एका लग्नात वधू आणि वर स्टेजवर उभे राहून लोकांना भेटत आहेत. त्यानंतर वराचे काही मित्र स्टेजवर येतात आणि वधू आणि वराला अशी भेटवस्तू देतात की वधू आणि वर दोघेही लाजतात. मित्रांनी वधूच्या हातात बाळाच्या दुधाची बाटली दिली. तर, वराच्या हातात बाळाचा खुळखुळा दिला. त्यानंतर एक पोस्टर घेऊन वधू आणि वरासह फोटो काढू लागतात. या पोस्टरमध्ये लहान बाळाचे चित्र आहे आणि त्यावर मी नऊ महिन्यात येतोय, असे लिहिले आहे. हे पोस्टर पाहिल्यानंतर वधूला लाज वाटते आणि स्वत:चा चेहरा लपवून हसू लागते.

हा व्हिडिओ सोशल मीडिया प्लॅटफॉर्म इंस्टाग्रामवर @epic.insta.daily नावाच्या अकाउंटवरून शेअर करण्यात आला. या व्हिडीओवर नेटकऱ्यांच्या प्रतिक्रिया येत आहेत. या व्हिडिओवर कमेंट करताना एका व्यक्तीने म्हटले आहे की, प्रत्येक लग्नात असे मित्र हवे असतात, त्याशिवाय मज्जाच नाही. दुसऱ्याने लिहिले आहे की, वधूची प्रतिक्रिया पाहून मला हसून आवरत नाही. आणखी एकाने लिहिले आहे की, माझ्या लग्नातही मित्रांनी अशीच मस्ती केली होती, तो क्षण आयुष्यभर माझ्या लक्षात राहील.