Bedroom Photos Viral: लग्न अवघ्या काही दिवसांवर येऊन ठेपलं असताना खेळाडूचे दुसऱ्याच तरूणीसोबतचे फोटो झाले व्हायरल

रात्री हॉटेल रूममध्ये पार्टी केल्यानंतर क्लिक केले 'ते' फोटो

Bedroom Photos Viral: एखाद्या मुलाचे त्याची पार्टनर वगळता इतर कोणत्याही मुलीसोबत आक्षेपार्ह अवस्थेत जर फोटो व्हायरल झाले तर वाईटच. पण त्यातही त्या मुलाचं लग्न अगदी काही दिवसांवर येऊन ठेपलं असताना त्याच्या हॉटेल रूममध्ये दुसऱ्याच मुलीसोबतचे त्याचे काही फोटो व्हायरल झाले तर.... असाच काहीसा प्रकार इंग्लंडचा माजी फुटबॉलपटू अँडी कॅरोल (Andy Carroll) बाबतीत घडला. ३३ वर्षीय अँडी कॅरोल टीव्ही अभिनेत्री बिली मुक्लो ((Billi Mucklow) सोबत लग्न करणार आहे. मात्र त्याच्या काही दिवस आधीच त्याचे दुसऱ्या एका तरूणीसोबतचे फोटो व्हायरल झाल्याने खळबळ उडाली.

लग्नाआधी बिलीला गेल्या आठवड्यात दुबईत हेन पार्टी (लग्नाआधीच मित्र-मैत्रिणींनी दिलेली पार्टी) देण्यात आली होती. अँडी व्यतिरिक्त बिलीचे मित्रही यात सामील होते. पार्टीनंतर, बिली आणि तिचे मित्र घरी परतले. त्यानंतर दोन दिवसांनी अँडी कॅरोल बाहेर गेला असताना त्याने हॉटेल रूममध्ये बार मॅनेजर टेलर जेन विल्की आणि तिची मैत्रिण हिच्यासोबत पार्टी केली. अँडीने टेलर आणि तिच्या मैत्रिणीली पार्टीसाठी हॉटेलच्या खोलीत बोलावले. यावेळी त्यांनी खूप मद्यपान केले आणि त्याच दरम्यानचे काही फोटो व्हायरल झाले.

व्हायरल फोटोवर कोण काय म्हणाले...

नवरदेव अँडी या प्रकारावर म्हणाला की लग्न जवळ येत असताना असे फोटो व्हायरल होणे खूपच निराशाजनक आहे. २७ वर्षीय बार मॅनेजर टेलर विल्की हिने हे फोटो इंग्लंडमध्ये राहणाऱ्या तिच्या मित्राला पाठवले होते, जे व्हायरल झाले. या फोटोबद्दल टेलरने स्पष्टीकरण दिलं. "आम्ही एकत्र पार्टी केली पण त्यात काही विचित्र गोष्ट घडली नाही. अँडी पार्टीनंतर झोपला असताना आम्ही मजा म्हणून त्याच्याबरोबर फोटो काढले. तो निव्वळ निरागस विनोद होता. खोलीत आम्ही तिघे होतो. अँडी, मी आणि माझी एक मैत्रिण", असं स्पष्टीकरण तिने दिलं.