गर्लफ्रेन्डने बॉयफ्रेन्डसाठी तयार केले २२ नियम, यादी पाहून चक्रावून जाल!

सोशल मीडियात सध्या एका गर्लफ्रेन्डची बॉयफ्रेन्डसाठी तयार केलेली नियमांची यादी व्हायरल झाली आहे. या यादीत एका मुलीने एक-दोन नाही तर चक्क २२ नियम तयार केले आहेत. गमतीदार बाब म्हणजे ही यादी एका कारमध्ये होती आणि ही कार नुकतीच विकण्यात आली. ज्यांनी ही कार विकत घेतली त्यांनी ही यादी सोशम मीडियात शेअर केली आहे. 

डेटिंगच्या नियमांची यादी पाहून अनेकजण चक्रावून गेले आहेत. पण अजूनही ही यादी तयार करणाऱ्या मुलीची आणि या नियमांचं पालन करणाऱ्या बॉयफ्रेन्डचा पत्ता लागला नाहीये. एकमात्र नक्की की, ही यादी पाहून प्रेमाच्या नात्यात असलेला अविश्वास आणि असुरक्षितता व्यक्तीला काय करायला भाग पाडते. 

सोशल मीडिया यूजर्समध्ये यावरुन चर्चा रंगली असून ते आपापली मते मांडत आहेत. काहींना वाटत आहे की, मुलगा कदाचित मुलीला दगा देत असावा. त्यामुळेच मुलीने इतके कठोर नियम तयार केले. हा यादी ट्विटरवर शेअऱ करणाऱ्या व्यक्तीने ट्विट डिलीट केलं आहे. पण ही यादी सोशल मीडियात व्हायरल झाली आहे. 

काही सोशल मीडिया यूजर्स म्हणत आहेत की, अशाप्रकारे नियम तयार करणे प्रेमाची बाब नाहीये. हे कुणाचंतरी लाईफ कंट्रोल करण्यासारखं आहे. एकाने लिहिले आहे की, या मुलाने आताच्या आता त्या मुलीपासून दूर जावं. ही यादी पाहून तुम्हीही चक्रावून जाल.

काय आहेत नियम?

१) तुझ्याकडे कोणत्याही सिंगल तरुणीचा मोबाईल नंबर असू नये.

२) कोणत्याही मुलीला सोशल मीडिया(इन्स्टाग्राम, स्नॅपचॅट आणि ट्विटर) फॉलो करणार नाही.

३) तू किगन( मित्राचं नाव) सोबत वेळ घालवणार नाही. (त्याच्या घरी किंवा कुठेही सार्वजनिक ठिकाणीही त्याला भेटायचं नाही)

४) तू माझ्याशिवाय कधीही होंडा जाणार नाही.

५) आठवड्यातील दोन दिवसांपेक्षा जास्तवेळा तू मित्रांसोबत बाहेर जायचं नाही. 

६) तू कोणत्याही सिंगल तरुणीकडे बघायचं नाहीस.

७) जर एखादी मुलगी कोणत्याही वेळी किंवा कोणत्या जागी तुझ्याजवळ येत असेल तर तू तिच्यापासून दूर जायचंस.

८) मो(मित्राचं नाव) प्रत्येकवेळी प्रत्येक ठिकाणी आपल्यासोबत असू नये. 

९) तू मला ***** साठी कधीही बोलणार नाही. 

१०) तू माझ्यावर कधीही कोणत्याही गोष्टीवर रागवायचं नाही. 

११) तू टायलर, नोआह, देवेन आणि जॉशला कधीही घेऊन येणार नाही. 

१२) तू मी नसताना कधीही ड्रिंक करणार नाहीस.

१३) माझं जेव्हा मन होईल तेव्हा मी तुझा फोन चेक करणार.

१४) मी तुझ्यासोबत असेल तर तिथे दुसरी कोणतीही मुलगी येऊ नये.

१५) जर आपण सोबत असलो तर तुझे मित्र कधी कधीच तुझ्या घरी येतील.

१६) जर मी तुला एखाद्या मुलीसोबत पाहिलं तर मी तुझा खून करणार.

१७) तू तुझ्या मित्रांसाठी मला कधीच सोडणार नाही.

१८) जर मी तुझ्यासोबत हॅंगआऊट करत असेल तर ऑस्टिन हे कंट्रोल करणार नाही. 

१९) आपण आठवड्यातून कमीत कमी एकदा डेटवर जाऊ.

२०) जर मी म्हणाले की, उडी मार! तर तू म्हणायचे, 'जी राजकुमारी'.

21) तुला दिवसातून कमीत कमी एकदा म्हणावे लागेल की, तू माझ्यावर प्रेम करतो. जेणेकरुन मला हे कळेल की, तुझं दुसरीकडे काही सुरु नाही.

२२) माझ्या मेसेजचं उत्तर द्यायला तुला १० मिनिटांपेक्षा जास्त उशीर होऊ नये.