सोशल मीडियावर सध्या एका व्हिडीओने नुसता धुमाकूळ घातला आहे. हा व्हिडीओ पाहून तुमचा अक्षरशः थरकाप उडेल, पण तरीही तो पाहिल्याशिवाय तुम्हाला राहावणार नाही! अवघ्या काही सेकंदांचा हा व्हिडीओ जिगरबाज तरुणीच्या वेडेपणाचा पुरावा आहे, जो तुम्हाला आश्चर्याचा धक्का नक्कीच देईल.
काय आहे या व्हिडीओमध्ये?
या व्हिडीओमध्ये एक अतिशय सुंदर तरुणी एका अक्राळविक्राळ धबधब्याच्या अगदी कडेला आरामात झोपलेली दिसते. हा काही साधासुधा धबधबा नाही. हा हजारो फूट खोल दरीत कोसळणारा एक जीवघेणा धबधबा आहे. दिसायला तो जेवढा नयनरम्य आहे, तेवढीच त्याची खळखळ ऐकून तुमची भीतीने गाळण उडेल. पाण्याचा प्रवाह इतका जोरात आहे की, जर चुकूनही पाय घसरला, तर थेट मृत्यूच्या दरीत कोसळायला होईल. आजूबाजूला सगळीकडे ओलसर, निसरडी जागा... पण आपल्या या दिलखुश तरुणीला कसलीच भीती वाटत नाही.
लाइक्ससाठी जीव धोक्यात?
व्हिडीओमध्ये दिसणारी ही तरुणी ना घाबरलेली आहे, ना ती कसली काळजी घेताना दिसत आहे. ती आरामात धबधब्याच्या टोकावर झोपली आहे, कॅमेऱ्याकडे पाहून क्यूट स्माईल देत आहे आणि अगदी आरामात रील शूट करून घेत आहे. हे बघून असं वाटतं की, तिला आपल्या जीवाची बिलकूल पर्वा नाही, तिच्यासाठी इन्स्टाग्रामवर मिळणारे लाइक्स आणि फॉलोअर्स जास्त महत्त्वाचे आहेत. व्हिडीओमधील धबधब्याचा आवाज, त्याची खोली आणि वेगाने वाहणाऱ्या वाऱ्याचा आवाज एवढा भीतीदायक आहे की, अनेकांनी तर व्हिडीओ अर्ध्यावरच बंद केला असेल. काही युझर्सनी याला "आतापर्यंतचे सर्वात भयानक रील" असं म्हटलंय. तर काहींनी, असे व्हिडीओ सोशल मीडियावर पसरवू नयेत, अशी मागणी केली आहे.
नेटकऱ्यांचा संताप, पण व्हिडीओ व्हायरल!
सोशल मीडियावरचा हा व्हिडीओ पाहून लोक चकित झाले आहेत आणि काहींचा रागाने अक्षरशः तिळपापड झाला आहे. अनेक युझर्सनी या व्हिडीओवर आपला संताप व्यक्त केला आहे. काहींनी लिहिलं की, "एकदा जरी पाय घसरला असता, तर जीव गेला असता!" अनेकांनी याला वेडेपणा आणि मूर्खपणाचा कळस म्हटलंय. तर एका युझरने कमेंट केली की, "अशा लोकांची मानसिक तपासणी करायला हवी!" हा व्हिडीओ एक्सवर 'Sheetal2242' नावाच्या अकाउंटवरून पोस्ट करण्यात आला आहे. लाखो लोकांनी हा व्हिडीओ पाहिला असून हजारो कमेंट्सचा पाऊस पडला आहे. लोक या तरुणीच्या स्टंटला बिनडोकपणा आणि बेजबाबदारपणा म्हणत आहेत.