Trending Viral Video: लग्नसमारंभात प्रत्येक गोष्टीची स्वतःची मजा असते. जेवणापासून ते नाच-गाण्यापर्यंत सारीच धम्माल असते. यामध्ये डान्स तर असतोच. बँडच्या तालावर, लग्नातील पाहुण्यांच्या आतला डान्सर बाहेर येतोच. लग्नात नागिन डान्सला खूप महत्त्व असते हे सारेच ओळखून आहेत. पण अनोळखी लग्नात नाचण्याचा आनंद घेणारे काही औरच असतात. असे बरेच व्हिडिओ सोशल मीडियावर व्हायरल होतात. (social media viral video). प्रयागराजमधील एका मुलाने अनोळखी लग्नात हेल्मेट घालून डान्स केल्याचा व्हिडीओ व्हायरल झाला होता. तसेच आता एका परदेशी व्यक्तीने (Foreigner Learns Dance Steps At An Indian Wedding) अनोखळी लग्नाच्या वरातीत डान्स केला आहे.
बेल्जियमचा रहिवासी असलेल्या एड पीपल नावाच्या कंटेंट क्रिएटरने हा धम्माल प्रकार केला आहे. एड एका लग्नाच्या वरातीत पोहोचला आणि तिथल्या वऱ्हाड्यांकडून डान्स स्टेप्स शिकला. एडने वरातीतील लोकांकडून डान्सच्या स्टेप्स शिकून घेतल्या आणि आकर्षक नृत्य केले. या व्हिडिओ ३.५ लाखांहून अधिक व्ह्यूज मिळाले आहेत. पाहा व्हायरल झालेला व्हिडीओ-
एड कुठेही जातो, तिथल्या लोकांकडून डान्स शिकत असतो. त्यामुळे त्याच्या डान्सला फॉलो करणारे आणि इन्स्टाग्राम अकाऊंटचे फॉलोअर्सही खूप जास्त आहेत. त्याचे अपलोड केलेले व्हिडिओ चांगलेच चर्चेत असतात. त्याचा सध्याचा व्हिडीओ लोकांना खूप आवडला आहे. त्याने बॉलिवूड चित्रपटांसाठी ऑडिशन द्यावे, असे काही युजर्सने मजेने म्हटले आहे. तर कोणीतरी लिहिलंय की जर असंच चालू राहिलं तर लवकरच एड नागिन देखील डान्स करताना दिसेल.