कोरोना व्हायरसचं थैमान सुरू असताना एका टिकटॉक स्टाकने एक विचित्र कारनामा केलाय. अमेरिकेच्या फ्लोरिडातील या २१ वर्षीय स्टारचं नाव आहे Ava Louise. तिने कोरोना व्हायरस चॅलेंजच्या नावावर चक्क विमानातील टॉयलेट सीट चाटली. त्यामुळे तिने केलेल्या या विचित्र कारनाम्याची चर्चा सोशल मीडियात होत आहे. लोकांनी तिच्यावर जोरदार टिकाही केली आहे.
Ava ने १५ मार्चला हा व्हिडीओ शेअर केला होता आणि कॅप्शन दिलं होतं की, 'हा व्हिडीओ शेअर करा, जेणेकरून लोकांना कळावं की, विमानाची स्वच्छता कशी करावी'. लोकांना तिचं हे वागणं अजिबात पसंत पडलं नाही त्यामुळे तिच्यावर टीका केली जात आहे. पण सोबतच हा व्हिडीओ व्हायरलही झाला आहे. हा व्हिडीओ आतापर्यंत साडे तीन लाख लोकांपेक्षा अधिक लोकांनी पाहिलाय.
यात तुम्ही बघू शकता की, कशाप्रकारे ही स्टार विमानातील टॉयलेट सीट चाटत आहे. हा स्टंट तिने प्रसिद्धीसाठी केला. पण तिला लोकांच्या संतापाचा सामना करावा लागत आहे.
एकीकडे लोक कोरोना व्हायरसच्या वाढत्या प्रभावामुळे घाबरलेले आहेत आणि दुसरीकडे असे असंवेदनशील लोक अशाप्रकारचे विचित्र कारनामे करत आहेत.