काही जणांना उगाच प्राण्यांच्या खोड्या काढण्याची सवय असते. कुठे कुत्र्याला दगड मार, मांजरीची शेपटी पिरगळं अशा नसत्या उचापत्या करण्यात त्यांना आनंद मिळतो. पण हे प्राणी मुके जरी असले तरी त्यांना कमजोर समजण्याची चूक चांगलीच महागात पडू शकते. एक महाभाग अशीच एका कोंबड्याची कळ काढायला गेला पण याला तो पंगा भारी पडला ना भाऊ..
तुम्ही व्हिडिओमध्ये पाहू शकता की एक मुलगा हातामध्ये लाकडी काठी घेऊन कोंबड्याची खोड काढत आहे. काठी उगारुन कोंबड्याला घाबरवण्याचा प्रयत्न करतोय. मात्र, त्याचा हा डाव त्याचावरच उलटला. कोंबड्याने या मुलाला चांगलीच अद्दल घडवली आहे. त्या कोंबडा त्याच्या अंगावर असाकाही धावून गेला की त्या मुलाची पळता भुई थोडी झाली. कोंबड्याने त्याची शेवटपर्यंत पाठ धरली. तो मुलगा अक्षरश: झाडावर आदळला. पुढे झाडामध्ये अडकुन टेकडीवरुन खाली पडला आणि नंतर पळत सुटला.
सोशल मिडियावर व्हायरल होत असलेला व्हिडीओ hepgul5 या इन्स्टाग्राम पेजवरून शेअर करण्यात आला आहे.या व्हिडीओला मोठ्या प्रमाणात शेअर केले जात आहे. तसेच हा व्हिडीओ पाहून नेटकरी खळखळून हसत असून त्यावर मजेदार प्रतिक्रिया व्यक्त करत आहेत.