या नव्या नवरीने कबरीसोबत केलं लग्न, कारण वाचून व्हाल थक्क!

वेगवेगळ्या प्रकारच्या मनाला भिडणाऱ्या प्रेमकथा तुम्ही सिनेमात आणि खऱ्या आयुष्यात पाहिल्या असतील. अशीच एक काळीज पिळवटून टाकणारी प्रेमाची खरी कहाणी सोशल मीडियात व्हायरल होत आहे.

(Image Credit : Credit: Loving Life Photography/Mandi Knepp)

वेगवेगळ्या प्रकारच्या मनाला भिडणाऱ्या प्रेमकथा तुम्ही सिनेमात आणि खऱ्या आयुष्यात पाहिल्या असतील. अशीच एक काळीज पिळवटून टाकणारी प्रेमाची खरी कहाणी सोशल मीडियात व्हायरल होत आहे. जेसिका पेजॅट आणि केंडल मर्फी यांची ही प्रेमकहाणी. दोघेही प्रेमात आकंठ बुडाले होते आणि लवकरच लग्न करणार होते. पण एका अपघातात जेसिकाने आपला होणारा पती गमावला. लग्न व्हायचं राहिलं. आता जेसिकाचे काही फोटो सोशल मीडियात व्हायरल झाले आहेत. 

सोशल मीडियात व्हायरल झालेल्या या फोटोंमध्ये जेसिका नवरीच्या वेशात आहे, तिच्या हातात पिवळ्या फुलांचा गुलदस्ता आहे. होय..हे फोटो तिच्या लग्नाचे आहेत. मनाला भिडणारी बाब म्हणजे जेसिकाने केंडल मर्फीच्या कबरीसोबत लग्न केलं.

गेल्यावर्षी केंडल मर्फी जो जेसिकासोबत लग्न करणार होता, त्याचा एका अपघातात मृत्यू झाला. हा घटनेमुळे जेसिकाच्या आयुष्यात मोठं वादळच आलं. त्यावेळी जेसिका २५ वर्षांची होती. पण तिने तिच्यावर कोसळलेल्या या दु:खाच्या डोंगरातही स्वत:ला सावरलं. तिने केंडलच्या मृत्यूनंतरही लग्न कॅन्सल केलं नाही. 

२९ सप्टेंबर हा दिवस जेसिकासाठी फार खास आहे. याच दिवशी ती नवरीच्या रुपात दिसली. हा तोच ड्रेस होता जो तिने तिच्या लग्नासाठी निवडला होता. जेसिका आणि केंडलच्या लग्नाला त्यांचे सर्व मित्र आणि नातेवाईक उपस्थित होते. अमेरिकेच्या इंडियानामध्ये झालेल्या या अनोख्या लग्नाला एका फोटोग्राफरने फार सुंदरपणे कॅमेरात कैद केले. 

केंडल हा अग्नीशमन दलामध्ये काम करत होता. त्या दिवशी तो कुणालातरी वाचवण्यासाठीच गेला होता. पण दुर्घटनेत त्याचा मृत्यू झाला.