लग्नात नवरदेवाच्या आगमनाची नवरी आतुरतेने वाट पाहत असते. कधी एकदा नवरदेव येतो आणि त्याला पाहते असे हाल नवरीचे झालेले असतात. अशाच एका उतावळ्या नवरीचा व्हिडिओ सोशल मिडियावर (social media) व्हायरल होतोय. यात चक्क नवरदेवाला पाहताच नवरी नाचू (dance video) लागली आहे.
व्हिडीओमध्ये नवरी तिच्या नवरदेवाकडे पाहत-पाहत ‘मेरे हाथों में है जो मेहंदी’ या गाण्यावर डान्स करत आहे. नवरीसोबत तिच्या काही मैत्रिणीदेखील डान्स करत आहेत. हा सर्व प्रकार पाहून वऱ्हाडी मंडळी हरखून गेले आहेत. एखाद्या चित्रपटातील दृश्य वाटावे असे हा व्हिडीओ आहे. नवरीला झालेला आनंद आणि तिने केलेला डान्स पाहून नवरदेवाचा मूड पूर्णपणे बदलल्याचं व्हिडीओमध्ये दिसतंय. नवरदेवही नवरीकडे पाहून गोड हसत आहे.
व्हायरल होत असलेला हा व्हिडीओ पाहून नेटकरी खूश झाले आहेत. हा व्हिडीओ नेटकरी उत्स्फूर्तपणे शेअर करत आहेत. हा व्हिडीओ कुठला आहे, याची माहिती मिळू शकलेली नाही, मात्र त्याला इन्स्टाग्रामवर dulhaniyaa या पेजवर शेअर करण्यात आले आहे.