सध्या सोशल मीडियावर योगाचे जबरदस्त स्टंट करत असलेल्या एका आफ्रिकन माणसाचा व्हिडीओ व्हायरल होत आहे. हा माणसाला पाहताच सोशल मीडियार युजर्सना भारतातील योगगुरु बाबा रामदेव यांची आठवण झाली आहे. रामदेव बाबा आपली जीवनशैली, योगा आणि फिटनेस यांसाठी प्रचंड प्रसिद्ध आहेत. अशातच त्याच्याप्रमाणेच लवचिक शरीर असलेल्या एका आफ्रिकेच्या तरूणानं सोशल मीडियावर धुमाकूळ घातला आहे.
हा व्हिडीओ एकदा पाहायला सुरूवात केल्यानंतर बघणाऱ्याची नजर हटत नाही. व्हिडीओतला माणुस सर्वात आधी तो आपला उजवा पाय उचलतो. त्यानंतर तो त्या उजव्या पायाची सहज घडी करतो. त्या घडी केलेल्या पायाला वेगवेगळ्या दिशेने फिरवतो. त्यानंतर तो हातांची कसरत सुरु करतो. पाठीमागे हातांची घडी करुन दाखवतो. नंतर तो एका हाताने पाठ खाजवण्याचा प्रयत्न करतो.
नशीब चमकलं ना राव! पहिल्यांदाच तिकीट विकत घेतलं; १०० रूपयांच्या लॉटरीनं मजूराला करोडपती बनवलं
हा माणूस एवढ्यावरच थांबत नाही तर त्यानंतर तो पोट मागे घेतो. हे पोट तो इतकं मागे घेतो की त्याच्या छातीच्या बरगड्या दिसायला लागतात. त्यानंतर तो हात आणि पायांची एकत्र कसरत करतो. नंतर तो खाली बसून पायाने डोक्यावरची टोपी काढतो. टोपीने तोंडाला हवा मारतो. त्यानंतर पायानेच ती टोपी डोक्यावर ठेवतो. यावेळी तो जणू काही योगासनेच करतोय, असं वाटतं.
व्हायरल होणारा हा व्हिडीओ आयपीएस अधिकारी रुपीन शर्मा यांनी हा व्हिडीओ त्यांच्या अधिकृत ट्विटर अकाउंटवर शेअर केला आहे. यावेळी त्यांनी तरुणाच्या लवचिकतेचं कौतुक केलं आहे. तसेच आफ्रिकेचा बाबा रामदेव, असं कॅप्शन त्यांनी व्हिडीओला दिलं आहे.