Social Viral : सकाळी अंथरूणातून बाहेर आल्यानंतर ते पुन्हा रात्री झोपेपर्यंत हातात मोबाईल घेऊन इंटरनेटचा वापर करणं या गोष्टी आता कॉमन झाल्या आहेत. अगदी गावगाड्यापासून ते शहरी भागातील चांदा ते बांद्यापर्यंत सगळी माहिती मिळण्याचा सोर्स म्हणजे सोशल मीडिया होय. रिलच्या भरकटलेल्या दुनियेत काही गोष्टींच्या माध्यमातून रिअल लाईफवरही येथे प्रकाश टाकण्यात येतो. सध्या 'Sachkadwahai' या इन्स्टाग्राम पेजवर व्हायरल होणारा व्हिडिओ पाहून तुमच्या पायाखालची जमिनीच निसटेल. एका कारमध्ये अडकलेल्या कुटुंबाची पुराच्या पाण्यातून सुखरूप सूटका करणाऱ्या धाडसी ट्रक ड्रायव्हरचा व्हिडिओ सोशल मीडियावर तुफान व्हायरल होत आहे.
व्हायरल व्हिडिओमध्ये पुराच्या पाण्यात अडकलेल्या एकाच कुटुंबातील ३ जणांची त्याने कारमधून मोठ्या धैर्याने सूटका केली. वाहत्या पाण्यामध्ये प्रवाहाच्या विरूद्ध दिशेने तो आपला ट्रक उभा करतो, ज्यामुळे कारला सपोर्ट मिळेल. सुरूवातीला तो ड्रायव्हर कारच्या बोनेटवर उभा राहून कारमधून बाहेर येणाऱ्या मुलीला सुखरूप ट्रकमध्ये बसवतो. पावसामुळे रस्त्यांना नदी-नाल्याचं स्वरूप आल्याने हे कुटुंब त्यात अडकलं असावं, असा अंदाज लावला जात आहे. रस्त्याच्या विरुद्ध दिशेला उभी असणारी माणसं हा सगळा प्रकार पाहत आहेत. पण पाण्याच्या प्रवाहाचा वेग प्रचंड असल्याने त्यांचही काही चालत नाही.
सगळ्यात आधी एक मुलगी त्यानंतर एक महिला कारमधून बाहेर येताना दिसते. अखेरीस एक-एक करून पुरात अडकलेल्या कुटुंबातील प्रत्येकाला हा ट्रक ड्रायव्हर गाडीतून बाहेर काढतो.
व्हायरल व्हिडिओवर नेटकऱ्यांनी लाईक्स आणि कमेंट्सचा वर्षाव करत या ट्रक चालकाचे तोंडभरून कौतुक केलं आहे. अशी कमेंट करत काही यूजर्सनी त्याच्या धाडसी कामाची स्तुती केल्याचं पाहायला मिळतंय.तर आणखी एक जण म्हणतो, "देव तुझं भलं करो", अशी प्रतिक्रिया एका नेटकऱ्याने दिली आहे.