साप म्हटलं तर भले भले थरथर कापतात. सापाला पाहताच माणसाच्या मनात भीती निर्माण होते. मग तो साप छोटा असो वा मोठा लोकांना सापापासून भीती वाटते. साप जवळ येऊ नये म्हणून लोकं त्याच्यापासून पळून जातात किंवा त्याला दूर करण्याचा प्रयत्न करतात. परंतु अनेकजण सर्पमित्र आहेत जे सहजपणे कुठल्याही सापाला पकडतात आणि त्यांना जंगलात जाऊन सोडतात.
साप पकडण्याबाबतही ट्रेनिंग दिलं जातं. कारण साप पकडणं म्हणजे जीव धोक्यात घालण्यासारखं आहे असं तज्ज्ञ सांगतात. साप कधी अंगावर येईल, कधी दंश करेल सांगता येत नाही. अनेकदा साप इतक्या सहजपणे हाताळतात जसं सापासोबत त्यांची मैत्री असावी. हे सगळं यासाठी सांगावं लागतंय कारण सध्या सोशल मीडियावर एक व्हिडीओ प्रचंड व्हायरल होत आहे. या व्हायरल व्हिडीओत एक अजगर आणि मुलगी दिसते.
या मुलीच्या मांडीवर डोकं ठेवून अजगर शांतपणे झोपल्याचं व्हिडीओत दिसून येतो. हे दृश्य पाहून प्रत्येकाच्या अंगाचा थरकाप उडेल. हा अजगर लहान नाही तर तब्बल २० फूट असल्याचं दिसून येतं. मुलगी आरामात एका हातात मोबाईल पकडून आहे तर दुसऱ्या हाताने अजगराच्या अंगावरुन हात फिरवताना दिसून येते. अजगरही निवांतपणे तिच्या मांडीवर झोपला आहे. हा व्हिडीओ सगळ्यांना हैराण करणारा आहे. मुलगी तिच्या घराच्या अंगणात बसली आहे. तर अजगर उघडपणे रेंगळताना दिसत आहे.
व्हायरल होणारा हा व्हिडीओ इन्स्टाग्रामच्या Yournaturegram नाव असलेल्या अकाऊंटवर शेअर केला आहे. १८ सप्टेंबरला हा व्हिडिओ शेअर केला असून तो सध्या प्रचंड व्हायरल होत आहे. आतापर्यंत या खतरनाक व्हिडीओला १२ लाखांहून अधिक जणांनी पाहिलं आहे. तर हजारो लोकांनी कमेंट्स केल्या आहेत. हा व्हिडीओ इडोनेशियातील असल्याचं कमेंट्सवरुन कळतं. परंतु त्याची पुष्टी नाही. एका व्यक्तीने लिहिलंय की, अजगर यापुढे जाऊन त्या मुलीला खाऊन टाकेल. बाकी युजर्सनेही अशीच भीती वर्तवली आहे. पण अनेकांसाठी हा व्हिडीओ आश्चर्यचकीत करणारा आहे.एखादा अजगर अशाप्रकारे माणसाच्या मांडीवर बसल्याचं बहुदा सगळ्यांनीच पाहिलं