वेंगुर्ला : दुचाकीची धडक विजेच्या खांबाला बसल्यामुळे झालेल्या अपघातात रशियन पर्यटकाचा मृत्यू झाला. ही घटना वेंगुर्ले तालुक्यातील सोमवारी पहाटे साडेतीन वाजण्याच्या सुमारास शिरोडा राऊतवाडी येथे घडली.
मिळालेल्या माहितीनुसार, शिरोडा परिसरात रशियन पर्यटक आपल्या सहकाऱ्यांसमवेत सोमवारी पहाटे साडेतीन वाजण्याच्या सुमारास गोवा केरीच्या दिशेने जात होता. यावेळी रस्त्याच्या बाजूला असलेल्या विजेच्या खांबाचा अंदाज न आल्यामुळे त्याची दुचाकी खांबाला धडकली.
या अपघातात त्यांच्या डोक्याला गंभीर दुखापत झाली. त्याला वाचविण्यासाठी ग्रामस्थांसह त्याच्यासोबत असलेल्या परदेशी पर्यटकांनी प्रयत्न केले. मात्र, त्यांचे प्रयत्न निष्फळ ठरले. रुग्णवाहिकेतून उपजिल्हा रुग्णालयात नेत असताना या पर्यटकाचे वाटेतच निधन झाल्याचे सांगण्यात आले.
दरम्यान, शिरोडा उपजिल्हा रुग्णालयात पोलीस दाखल झाले असून या घटनेचा पंचनामा करण्याचे काम सुरू आहे.
महत्त्वाच्या बातम्या
'...तर असं हिंदुत्व स्वीकारायला तयार नाही'; उद्धव ठाकरेंचा भाजपावर हल्लाबोल
...अन् उद्धव ठाकरे कात्रीत सापडले; सांगितला युतीत ओढवलेला प्रसंग
महात्मा गांधींचा स्वातंत्र्य लढा नाटकी होता; भाजपा खासदाराचे वक्तव्य
China Coronavirus : धक्कादायक! चीनमध्ये कोरोना व्हायरसच्या भीतीने पाळीव प्राण्यांना घराबाहेर फेकलं
Coronavirus News: चीनमधून ३२३ भारतीय परतले; दोन मराठी मुलांची मात्र परवड
जामिया विद्यापीठाजवळ पुन्हा गोळीबार, गेल्या चार दिवसातील तिसरी घटना