देवगड : महाराष्ट्राच्या सागरी हद्दीत घुसखोरी करून अवैध मासेमारी करणाऱ्या परप्रांतीय नौकांविरुद्ध मत्स्यव्यवसाय विभागाने कडक पावले उचलली आहेत. १० मार्च रोजी रात्री देवगड सागरी हद्दीत गिर्ये समोरील क्षेत्रात कर्नाटक राज्यातील ‘श्री सानिध्या’ ही ट्रॉलिंग नौका बेकायदेशीर मासेमारी करताना रंगेहाथ पकडण्यात आली. पथकाला पाहताच नौकेने पळ काढण्याचा प्रयत्न केला, मात्र गस्ती पथकाने थरारक पाठलाग करून नौकेला जेरबंद केले.ही नौका कर्नाटकच्या गणेश बंगेरा यांच्या मालकीची असून, तिला केवळ कर्नाटक राज्याच्या हद्दीत मासेमारीचा परवाना आहे. मात्र, ही नौका महाराष्ट्राच्या हद्दीत १७ ते १८ फॅदम खोलीवर ट्रॉलिंग करत होती. महाराष्ट्र सागरी मासेमारी नियमन अधिनियमानुसार ही कारवाई करण्यात आली असून, जप्त मासळीचा लिलाव देवगड बंदरात करण्यात आला.मध्यरात्री थराररात्री १०:३०च्या सुमारास गस्ती पथक गिर्ये समुद्रात असताना ही नौका आढळली. पथकाने पाठलाग करून नौका ताब्यात घेतली आणि देवगड बंदरात आणली. तांडेलसह आठ खलाशांना ताब्यात घेण्यात आले आहे.कडक कायदेशीर पाऊलपरवाना अधिकारी किरण वाघमारे यांच्या नेतृत्वाखाली ही कारवाई झाली. याचा अहवाल सहायक आयुक्त सागर कुवेसकर यांच्याकडे दिला जाणार असून, नौका मालकावर मोठी दंडात्मक कारवाई होण्याची शक्यता आहे.स्थानिक मच्छीमारांना दिलासापालकमंत्री नितेश राणे यांच्या आदेशानुसार परप्रांतीय मासेमारीविरुद्ध धडक मोहीम सुरू आहे. या कारवाईमुळे स्थानिक मच्छीमारांनी समाधान व्यक्त करत प्रशासनाचे आभार मानले आहेत.
Web Summary : Fisheries Department seized a Karnataka trawler, 'Shree Sanidhya', illegally fishing in Maharashtra waters near Girye. The boat, owned by Ganesh Bangera, was caught after a chase. Eight crew members were detained, and the catch was auctioned. This action, prompted by Nitesh Rane's order, brings relief to local fishermen.
Web Summary : मत्स्य विभाग ने गिरये के पास महाराष्ट्र के जलक्षेत्र में अवैध रूप से मछली पकड़ रही कर्नाटक की एक ट्रॉलिंग नाव 'श्री सानिध्य' को जब्त कर लिया। गणेश बंगेरा के स्वामित्व वाली नाव को पीछा करने के बाद पकड़ा गया। आठ क्रू सदस्यों को हिरासत में लिया गया, और मछली की नीलामी की गई। नितेश राणे के आदेश पर की गई इस कार्रवाई से स्थानीय मछुआरों को राहत मिली है।