“कितीही करा कल्ला, मालवण शिवसेनेचाच बालेकिल्ला”: एकनाथ शिंदे; निलेश राणेंचेही केले कौतुक

By ऑनलाइन लोकमत | Updated: November 30, 2025 20:08 IST2025-11-30T20:07:40+5:302025-11-30T20:08:41+5:30

Deputy CM Eknath Shinde: कोकणात दगड प्रसिद्ध आहे चिरा, शिवसेनेला कोकणात सापडला आहे हिरा, तो म्हणजे निलेश राणे. इलाका किसका भी हो, धमाका निलेश राणे करेगा, असे एकनाथ शिंदे यांनी म्हटले आहे.

deputy cm eknath shinde praises mla nitesh rane in malvan campaign for local body election 2025 | “कितीही करा कल्ला, मालवण शिवसेनेचाच बालेकिल्ला”: एकनाथ शिंदे; निलेश राणेंचेही केले कौतुक

“कितीही करा कल्ला, मालवण शिवसेनेचाच बालेकिल्ला”: एकनाथ शिंदे; निलेश राणेंचेही केले कौतुक

Deputy CM Eknath Shinde: कोकणात दगड प्रसिद्ध आहे चिरा, शिवसेनेला कोकणात सापडला आहे हिरा. पोटात एक ओठात एक मला जमत नाही. जो काम करतो त्याच्या पाठिशी उभे राहणारा एकनाथ शिंदे आहे. निलेश राणे केव्हा घाबरत नाही. नारायण राणे यांचे बाळकडू त्याला मिळाले आहे. एकनाथ शिंदे डॉक्टर नसला तरी अनेक ऑपरेशन केली आहेत. बाळासाहेबांच्या शिवसेनेत निलेश राणे आला आहे. मालवणचे भविष्य सुधारण्यासाठी निलेश राणे धावून येतो. इलाका किसका भी हो, धमाका निलेश राणे करेगा, कुणी कितीही करा कल्ला मालवण हा शिवसेनेचाच बालेकिल्ला, या शब्दांत उपमुख्यमंत्री एकनाथ शिंदे यांनी निलेश राणे यांच्याबाबत कौतुकोद्गार काढले.

स्थानिक स्वराज्य संस्थांच्या निवडणुकीच्या पार्श्वभूमीवर एकनाथ शिंदे यांनी रत्नागिरी, सिंधुदुर्ग जिल्ह्यात प्रचारसभा घेतल्या. यावेळी बोलताना एकनाथ शिंदे म्हणाले की, पराभव दिसू लागला की, अनेकांचे दशावतार सुरू होतात. सगळीकडे लाडक्या बहिणीची उपस्थिती जास्त आहे. मी मुख्यमंत्री म्हणून काम करत असताना कार्यकर्ता म्हणून काम केले. अनेक योजना आणल्या. आम्ही टीम म्हणून काम करून ही योजना सुरू केली, असे एकनाथ शिंदे यांनी सांगितले.

कोकणी माणूस फणसासारखा बाहेरुन काटेरी, आतून गोड

कोकणी माणूस फणसासारखा बाहेरुन काटेरी आणि आतून गोड. म्हणून शिवसेनेची कर्मभूमी आहे. बाळासाहेबांच्या नेतृत्वात नारायण राणे मुख्यमंत्री असताना अनेक प्रकल्प आले. पुढचे भवितव्य समोर ठेऊन काम करायचे आहे. मी जे बोलले तो करतो. जे होणार नाही ते बोलत नाही. दिलेला शब्द पाळणार आहे. उदय सामंत यांना अनेक सभेत फोन करून उद्योग मंत्री म्हणून उद्योग वाढवण्याचे काम करण्यासाठी फोन केले. मालवणचा कायापालट करू, असे आश्वासन एकनाथ शिंदे यांनी दिले.

दरम्यान, लाडक्या बहिणीसाठी आणि भावांसाठी रक्ताचा थेंब असेपर्यंत काम करेन. मला निलेश राणे यांचे कौतुक वाटते. तुमच्याकडे निलेश राणे यांच्यासारखे आमदार आहेत. निलेश राणे पक्षासाठी, आपल्या मतदारांसाठी जीवाच रान करत आहेत, याचा मला सार्थ अभिमान आहे. एकनाथ शिंदे दोन्ही हातांनी देणारा आहे. शासन आपल्या दारी योजनेचा ४ कोटी लोकांना फायदा झाला, असे एकनाथ शिंदे यांनी नमूद केले.

 

Web Title : मालवन शिवसेना का गढ़, शोर चाहे जितना हो: शिंदे

Web Summary : एकनाथ शिंदे ने नीलेश राणे की प्रशंसा करते हुए उनकी निष्ठा और साहस पर जोर दिया। शिंदे ने मालवन के विकास के लिए राणे की प्रतिबद्धता को रेखांकित किया और क्षेत्र में शिवसेना की पकड़ की पुष्टि की। उन्होंने विभिन्न सरकारी पहलों का भी उल्लेख किया जिनसे लोगों को लाभ हुआ।

Web Title : Malvan is Shiv Sena's Fortress, No Matter the Noise: Shinde

Web Summary : Eknath Shinde praised Nilesh Rane, emphasizing his dedication and courage. Shinde highlighted Rane's commitment to Malvan's development and affirmed Shiv Sena's stronghold in the region. He also mentioned various government initiatives benefiting the people.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.