सातारा : गॅरेजमध्ये दुरुस्तीसाठी आलेल्या कारची चोरी झाल्याची खळबळजनक घटना दि. १२ रोजी मध्यरात्री घडली. याप्रकरणी सातारा शहर पोलीस ठाण्यात अज्ञातावर गुन्हा दाखल झाला आहे.
याबाबत अधिक माहिती अशी, रशिद शेख (वय ३०, रा. अजंठा चाैक, मोरे काॅलनी, सातारा) यांचे गोडोली येथे जरंडेश्वर वेल्डींग वर्कस् नावाचे गॅरेज आहे. या गॅरेजमध्ये रंजित अशोक येवले यांनी मित्र कल्पेश दत्तू पाटील (रा. आंबेडा, पोस्ट सोमटा, ता. डहाणू, जि. पालघर) यांच्या मालकीची कार (एमएच ०१ एएल ४९७९) ही सस्पेशनचे दुरुस्तीचे काम करण्यासाठी आणली होती. दरम्यान, दि. १२ रोजी मध्यरात्रीच्या सुमारास चोरट्यांनी गॅरेजसमोर उभी केलेली ही कार चोरून नेली. हा प्रकार सकाळी आठच्या सुमारास निदर्शनास आल्यानंतर गॅरेज मालक रशिद शेख यांनी सातारा शहर पोलीस ठाण्यात फिर्याद दिली. याबाबत अधिक तपास पोलीस नाईक जंगम करत आहेत.