सातारा जिल्हा परिषदेच्या अध्यक्ष आणि उपाध्यक्ष निवड प्रक्रिया आज पार पडली. भाजपाने मोठा विजय मिळवत पहिल्यांदाच सातारा जिल्हा परिषदेत सत्ता स्थापन केली. दरम्यान, आजच्या निवड प्रक्रियेला हिंसक वळण लागले. या निवडीदरम्यान झालेल्या प्रचंड गोंधळात जिल्ह्याचे पालकमंत्री शंभूराज देसाई यांच्या डाव्या हाताला जखम झाली असून, त्यांना भाजप कार्यकर्त्यांकडून धक्काबुक्की झाल्याचा गंभीर आरोप करण्यात येत आहे. या घटनेमुळे साताऱ्याच्या राजकीय वर्तुळात एकच खळबळ उडाली आहे.
CM फडणवीसांच्या एका फोननंतर शिवेंद्रराजेंनी केली खेळी; शिंदेसेना-राष्ट्रवादीला बसला धक्का
जिल्हा परिषद अध्यक्ष निवडीची प्रक्रिया सुरू असताना भाजपा आणि शिंदेसेना, राष्ट्रवादी काँग्रेसच्या कार्यकर्त्यांमध्ये जोरदार घोषणाबाजी आणि ढकलाढकली झाली. या गर्दीत पालकमंत्री शंभूराज देसाई यांना धक्काबुक्की झाल्याचा आरोप आहे. घटनेनंतर पत्रकारांसोबत बोलताना देसाई म्हणाले की, "गर्दीत मला नेमका धक्का कसा लागला हे सुरुवातीला समजले नाही. मात्र जेव्हा हाताला जखम होऊन रक्त येऊ लागले, तेव्हा दुखापतीची जाणीव झाली." या घटनेनंतर देसाई समर्थक आक्रमक झाले असून, याचे तीव्र पडसाद उमटतील असा इशारा त्यांनी दिला आहे.
मकरंद पाटलांचे पोलिसांवर गंभीर आरोप
या राड्यावर प्रतिक्रिया देताना राज्याचे पुनर्वसन मंत्री मकरंद पाटील यांनी पोलीस प्रशासनाला धारेवर धरले. "पोलीस बळाचा चुकीचा वापर करून विरोधी सदस्यांवर खोटे गुन्हे दाखल केले जात आहेत. जर थेट मंत्री आणि लोकप्रतिनिधींवरच पोलीस धावून येत असतील, तर ही लोकशाहीसाठी अत्यंत गंभीर बाब आहे," असे पाटील म्हणाले.
शशिकांत शिंदेंचा 'रस्त्यावरच्या लढाई'चा इशारा
दुसरीकडे, आमदार शशिकांत शिंदे यांनी प्रशासनावर टीका केली आहे. "आमच्या सदस्यांना मतदानाचा अधिकार असतानाही पोलिसांनी त्यांना जबरदस्तीने सभागृहाबाहेर काढले. प्रशासनाचा गैरवापर करून आमच्या सदस्यांवर दबाव टाकण्यात आला आणि त्यांना हात वर करण्यास भाग पाडले," असा खळबळजनक आरोप शिंदेंनी केला. "आम्ही हा अन्याय सहन करणार नाही, आता याविरोधात रस्त्यावरची लढाई लढू," असा इशाराही त्यांनी दिला.
या घटनेमुळे साताऱ्यात तणावाचे वातावरण असून, पोलीस बंदोबस्तात मोठी वाढ करण्यात आली आहे.
Web Summary : Satara Zilla Parishad election marred by violence. Minister Shambhuraj Desai injured amid clashes, BJP workers accused of assault. Accusations of police misconduct and unfair pressure surface, escalating tensions and prompting threats of protests.
Web Summary : सतारा जिला परिषद चुनाव में हिंसा। मंत्री शंभूराज देसाई झड़प में घायल, भाजपा कार्यकर्ताओं पर हमले का आरोप। पुलिस दुर्व्यवहार और अनुचित दबाव के आरोप, तनाव बढ़ने और विरोध प्रदर्शनों की धमकी।