जिल्ह्यातील आमदारांना स्थानिक विकासासाठी २० काेटींचा निधी

सातारा : जिल्ह्यातील विधिमंडळ सदस्यांना प्रत्येकी दोन कोटी रुपयांचा स्थानिक विकास निधी जाहीर झाला होता. सुरुवातीच्या पहिल्या टप्प्यात प्रत्येकी ५० लाख रुपये वितरित झाले हाेते. आता ग्रामपंचायतीची आचारसंहिता संपल्यानंतर उर्वरित निधी दिला जाणार आहे.

लोकप्रतिनिधींना मिळणारा विकास निधी परत जात नाही. तो पुढच्या वर्षीसुद्धा वापरता येतो. रस्ते, पाणी, शाळा, कुंपण, स्मशानघाट, जलकुंभ, उद्याने, वाचनालये, शालेय साहित्य आणि इतरही तत्सम कामांसाठी लोकप्रतिनिधी या निधीचा वापर करतात. स्थानिक आमदार विकास कार्यक्रमांतर्गत सन २०२०-२१ या आर्थिक वर्षाकरिता ११०१ कोटी एवढी अर्थसंकल्पीय तरतूद करण्यात आली होती.

या मंजूर निधीपैकी प्रति विधिमंडळ सदस्याला ५० लाख रुपयांप्रमाणे ३६६ विधिमंडळ सदस्यांना १८३ कोटी एवढा निधी २०२०-२१ या आर्थिक वर्षात पहिला हप्ता देण्यास वित्त विभागाने सहमती दर्शविली होती. तो निधीही मंजूर करण्यात आला. आमदारांना ५० लाख मिळाले होते.

मात्र, कोरोना महामारीने डोके वर काढल्याने यापैकी २० लाखांचा निधी देण्यात आला होता. तो कोरोना महामारीच्या उपाययोजनेसाठी वापरण्याची सक्ती करण्यात आली होती. आता कोरोना महामारीचा हाहाकार कमी झाला असल्याने विकासाच्या कामांसाठी हा निधी वापरता येईल. आचारसंहितेनंतर तो खर्च करता येईल.

रस्ते विकास आणि पाणी नियाेजन

आमदारांच्या स्थानिक विकास निधीतून ग्रामीण भागातील गावांमध्ये रस्ते तयार होतात. कोरोनामुळे या कामांना खीळ बसली होती. आता निधी मिळणार आहे. आता निधी मिळणार आहे.

पाणी व नळ जाेडणी

ग्रामीण भागातील जनतेला शुद्ध पाणीपुरवठा व्हावा, या हेतूने जलकुंभाच्या उभारणीला मोठा खर्च लागतो, अशी कामे आमदारांच्या विकास निधीतून केली जातात.

राज्य शासनाच्या वित्त विभागाने आमदारांना स्थानिक निधी पूर्णत: वापरण्यास परवानगी दिली आहे. ग्रामपंचायतीची आचारसंहिता संपल्यानंतर शासनाकडून प्राप्त झालेला निधी हा आमदारांना देण्यात येईल.

- भगवानराव जगदाळे, जिल्हा नियोजन अधिकारी

(टेम्प्लेट)