सातारा: जिल्हा परिषद अध्यक्ष व उपाध्यक्ष निवडीत भाजपचे तोडफोडीचे राजकारण व 'ऑपरेशन लोटस' यशस्वी झाले. राष्ट्रवादी अजित पवार पक्ष आणि शिंदेसेनेचे ३५ चे बहुमत असतानाही भाजपाच्या फोडाफोडीच्या राजकारणाने त्यांचा पराभव झाला.
सातारा जिल्हा परिषद अध्यक्षपदी भाजपच्या महिला प्रदेश उपाध्यक्ष प्रिया शिंदे यांची आणि उपाध्यक्षपदी राजू भोसले यांची निवड झाली. विशेष म्हणजे प्रिया शिंदे या शिंदेसेनेचे कोरेगावचे आमदार महेश शिंदे यांच्या पत्नी आहेत. त्यामुळे सातारा जिल्ह्याच्या राजकारणाला कलाटणी मिळाली आहे.
गेल्या महिनाभरापासून प्रतीक्षेत असलेल्या सातारा जिल्हा परिषदेच्या अध्यक्ष व उपाध्यक्ष पदांच्या निवडी गुरुवारी होणार असल्याने जिल्हा परिषद परिसरात कडेकोट बंदोबस्त ठेवण्यात आला. सर्व सदस्यांना कडक सुरक्षा व्यवस्थेत जिल्हा परिषदेत आणण्यात आले. यावेळी संपूर्ण परिसराला पोलीस छावणीचे स्वरूप आले होते.
सातारा जिल्हा परिषद सत्तेसाठी भाजपने शेवटच्या क्षणापर्यंत जोरदार फील्डिंग लावली होती. तर भाजपला सत्तेपासून दूर ठेवण्यासाठी शिंदे गटाची शिवसेना आणि राष्ट्रवादी काँग्रेस यांनी आपापसातील समन्वय कायम ठेवण्याचा प्रयत्न केला होता. पण, यामध्ये भाजपाने मोठे यश मिळवले आहे.
Web Summary : BJP's 'Operation Lotus' succeeded in Satara Zilla Parishad elections. Priya Shinde (BJP) became president, Raju Bhosale vice-president. This upset the NCP-Shinde Sena alliance despite their majority, marking a political shift.
Web Summary : सतारा जिला परिषद चुनावों में भाजपा का 'ऑपरेशन लोटस' सफल रहा। प्रिया शिंदे (भाजपा) अध्यक्ष, राजू भोसले उपाध्यक्ष बने। इससे बहुमत के बावजूद राकांपा-शिंदे सेना गठबंधन परेशान हो गया, जिससे एक राजनीतिक बदलाव आया।