सातारा जिल्हा परिषदेच्या ६५ जागांसाठी निवडणूक झाली. आज (९ जानेवारी) निकाल जाहीर झाले. यात मंद्रुळकोळे जिल्हा परिषद गटात माथाडी कामगार नेते नरेंद्र पाटील यांना झटका बसला. नरेंद्र पाटील यांच्या पत्नी प्राची पाटील यांचा पराभव झाला. शिंदेसेनेकडून निवडणूक लढवत असलेल्या २२ वर्षीय मृणाल पाटील यांनी विजयाचा गुलाल उधळला.
माथाडी कामगार नेते नरेंद्र पाटील यांच्या पत्नी प्राची पाटील या भाजपाकडून निवडणुकीच्या रिंगणात उतरल्या होत्या. शिंदेसेनेचे मंत्री शंभूराज देसाई यांनी पाटण तालुक्यात ताकद पणाला लावली होती. पाटण तालुक्यातच मंद्रुळकोळे जिल्हा परिषद गटातून शिंदेसेनेने मृणाल पाटील यांना उमेदवारी दिली होती. सातारा जिल्ह्यात सर्वात कमी वय असलेल्या सदस्या म्हणून मृणाल पाटील विजयी झाल्या आहेत.
भाजपाचे मंत्री जयकुमार गोरे यांनी शंभूराज देसाई यांच्या विरोधात पाटण तालुक्यात आक्रमक प्रचार केला होता. जिल्हा परिषद निवडणूक युती करून लढवण्याची भाजपा नेत्यांची इच्छा होती. शंभूराज देसाईंनी यासाठी बैठक बोलावली, पण त्याच बैठकीकडे भाजपाच्या नेत्यांनी पाठ फिरवली होती.
आता पाटण पंचायत समितीमध्येही शंभूराज देसाई यांनी शिंदेसेनेची सत्ता आणत भाजपा नेत्यांना जोरदार उत्तर दिले आहे. त्याचबरोबर जिल्हा परिषद निवडणुकीतही पाटणमध्ये भाजपाला धक्का दिला आहे.
सातारा जिल्हा परिषद निवडणूक निकाल
भाजपा -२३राष्ट्रवादी काँग्रेस (अजित पवार) -२२शिंदेसेना - १३उद्धवसेना - ०काँग्रेस -१इतर - २
Web Summary : In Satara ZP election, 22-year-old Mrunal Patil from Shinde Sena defeated Prachi Patil of BJP. Shinde Sena's Shambhuraj Desai gained power in Patan, dealing a blow to BJP despite aggressive campaigning by BJP's Jaykumar Gore. BJP won 23 seats, NCP 22, and Shinde Sena 13.
Web Summary : सतारा ZP चुनाव में, 22 वर्षीय मृणाल पाटिल ने भाजपा की प्राची पाटिल को हराया। शिंदे सेना के शंभूराज देसाई ने पाटन में ताकत हासिल की, जिससे भाजपा को झटका लगा। भाजपा ने 23 सीटें, NCP ने 22 और शिंदे सेना ने 13 सीटें जीतीं।