राजाराम देशमुखांच्या उपस्थितीत महिला दिन साजरा

महिला दिनानिमित्त श्री. सिद्धिविनायक गणपती मंदिर न्यासाचे विश्वस्त राजाराम देशमुख यांनी नारीशक्तीचा सन्मान करत मंदिरातील समस्त कर्मचारी, महिला भगिनींना पुष्प देऊन व केक कापून जागतिक महिला दिन साजरा केला.

महिला दिन साजरा करण्यासाठी राजाराम देशमुख यांच्यासमवेत श्री सिद्धिविनायक गणपती मंदिर न्यासाच्या विश्वस्त व महिला प्रतिनिधी श्वेता अवर्सेकर (हेगडे), आरती साळवी, वैशाली पाठणकर, ट्रस्टच्या कार्यकारी व्यवस्थापक प्रियंका कुलकर्णी-छापवाले उपस्थित होते.

यासोबतच जागतिक महिला दिनानिमित्त प्रसिद्ध मालिका निर्मात्या एकता कपूर यांनी श्री सिद्धिविनायक गणपतीचे दर्शन घेतले. देशमुख यांनी मंदिरातील समस्त कर्मचारी महिला भगिनींचा पुष्प देऊन व केक कापून जागतिक महिला दिन साजरा केला. राजाराम देशमुख यांनी एकता कपूर यांना जागतिक महिला दिनाच्या शुभेच्छा दिल्या व श्री सिद्धिविनायक गणपती मंदिर न्यासाच्यावतीने शाल व पुष्प देऊन सन्मान केला.