Tasgaon-Kavathe Mahankal Vidhan Sabha Election Result 2024 Live: तासगाव कवठेमहांकाळमधून रोहित पाटील आघाडीवर

तासगाव : राज्यभरात अत्यंत लक्षवेधी ठरलेल्या तासगाव कवठेमहांकाळ विधानसभा मतदारसंघाची मतमोजणी सुरू झाली आहे. तिसऱ्या फेरी अखेर राष्ट्रवादी शरदचंद्र पवार पक्षाचे उमेदवार रोहित पाटील 3 हजार 338 मतांनी आघाडीवर आहेत.तासगाव कवठेमहांकाळ विधानसभा मतदारसंघाची निवडणूक लक्षवेधी ठरली आहे. या ठिकाणी राष्ट्रवादी शरदचंद्र पवार पक्षाकडून माजी उपमुख्यमंत्री आर. आर. पाटील यांचे सुपुत्र रोहित पाटील निवडणुकीच्या रिंगणात आहेत. तर उपमुख्यमंत्री अजित पवार यांच्या राष्ट्रवादी काँग्रेस कडून ऐनवेळी भाजपमधून पक्षप्रवेश केलेले माजी खासदार संजय पाटील निवडणुकीच्या रिंगणात आहेत. संजय पाटील यांना माजी राज्यमंत्री अजितराव घोरपडे यांनी पाठिंबा दिल्यामुळे ही निवडणूक अत्यंत चुरशीची आणि अटीतटीची झाली होती. मतमोजणीला सुरुवात झाल्यानंतर पहिल्या तिन्ही फेऱ्यात रोहित पाटील आघाडीवर राहिले आहेत.