जायंट्स ग्रुप ऑफ शिराळा हिरकणीच्या अध्यक्षपदी शिल्पा कुरणे

फोटो ओळ : शिराळा येथे जायंट्स ग्रुप ऑफ शिराळा हिरकणीचा शपथविधी कार्यक्रमास डॉ. राजाराम पोळ, रामणारायन उंटवाल, सुषमा पोळ, प्रा. डॉ. शिल्पा कुरणे, भूषण शहा आदी उपस्थित होते.

लोकमत न्यूज नेटवर्क

शिराळा : येथील जायंट्स ग्रुप ऑफ शिराळा हिरकणीच्या अध्यक्षपदी प्रा. डॉ. शिल्पा कुरणे यांची फेरनिवड, तर उपाध्यक्षपदी अर्चना शेटे व डॉ. मनीषा यादव यांची निवड करण्यात आली. सर्व पदाधिकाऱ्यांचा शपथविधी व पद्ग्रहण सोहळा उत्साहात पार पडला.

प्रमुख पाहुणे म्हणून जायंट्स वेल्फेअर फाउंडेशनचे अध्यक्ष डॉ. राजकुमार पोळ, विशेष समिती सदस्य रामणारायन उंटवाल, सहेली सिमपॉझिमच्या सुषमा पोळ उपस्थित होत्या. प्रा. डॉ. शिल्पा कुरणे अध्यक्षस्थानी होत्या. फेडरेशन डायरेक्टर शभूषण शहा यांनी सदस्यांना शपथ दिली. शोभा पाटील व प्रकाश सावंत यांना आदर्श शिक्षक पुरस्काराने सन्मानित करण्यात आले. श्रद्धा कुलकर्णी यांची कौन्सिल सदस्य पदी निवड झाल्या बद्दल सत्कार करण्यात आला.

शैलजा काकडे यांनी सूत्रसंचालन, डॉ. मनीषा यादव यांनी प्रास्ताविक केले. कार्यवाह प्रज्ञा चरणकर यांनी नियोजन केले. यावेळी प्रा. वंदना ठोंबरे, विशाल खुर्द, आशा साळुंखे, रेश्मा पवार, नूतन साठे, सविता नलावडे, सरोजिनी कदम, निलोफर मुल्ला, वर्षा कुरणे, किरण शिंदे, आदी उपस्थित होते.