कोरोनानंतर इस्लामपुरात पुन्हा सखींचा जल्लाेष

इस्लामपूर : कोरोना महामारीचे संकट हळूहळू निवळत असतानाच, इस्लामपूर व परिसरातील सखी सदस्या गाण्यांच्या तालावर पुन्हा थिरकल्या. ‘लोकमत’ सखी मंच, इस्लामपूर आणि एक्सेल डर्मा स्किन हेअर अ‍ॅन्ड लेजर क्लिनिक यांच्या संयुक्त विद्यमाने बसस्थानक परिसरात हळदी-कुंकू आणि नवीन क्लिनिकचे उद्घाटन या कार्यक्रमाचे आयोजन करण्यात आले होते. यावेळी गायक प्रल्हाद पाटील यांनी गायलेल्या झिंग झिंग झिंगाट या गाण्यावर उपस्थित असलेल्या दोन हजारहून अधिक महिलांनी गाण्यांचा ठेका धरला.

प्रारंभी ‘लोकमत’चे संस्थापक, स्वातंत्र्यसेनानी जवाहरलालजी दर्डा (बाबूजी) यांच्या प्रतिमेचे पूजन माजी नगराध्यक्षा अरुणादेवी पाटील, माजी नगराध्यक्षा शारदादेवी पाटील, वारणा व्हॅलीच्या माजी अध्यक्षा जयश्री पाटील, सोना केमिकलच्या संचालिका माधुरी यादव, प्रथमेश इलेक्ट्रॉनिक्सच्या संगीता आणि सरिता सूूर्यवंशी, साई ज्वेलर्सच्या अनिता गोंदकर यांच्याहस्ते करण्यात आले. त्यानंतर याच पाहुण्यांच्या हस्ते एक्सेल डर्मा स्किन हेअर अ‍ॅन्ड लेजर क्लिनिकचे उद्घाटन करण्यात आले.

सखी सदस्यांना विभाग प्रतिनिधी रूपाली बलुगडे, स्नेहा यादव, पूजा माने, नंदा हुलके, अनुराधा पाटोळे, सविता माने, आसावरी वाळवेकर यांनी हळदी-कुंकू आणि वाण वाटप केले. त्यांना विद्यार्थिनी रोहिणी सूर्यवंशी, सायली सावंत, मयुरी रजपूत यांनी मदत केली. या कार्यक्रमात माजी नगराध्यक्षा अरुणादेवी पाटील यांनी आपले मनोगत व्यक्त केले, तर डॉ. प्रियांका पाटील यांनी आपल्या क्लिनिकविषयी सविस्तर माहिती दिली.

कार्यक्रमाच्या शेवटी उपस्थित महिलांमधून भाग्यवान सोडत काढण्यात आली. यामध्ये प्रथमेश इलेक्ट्रॉनिक्सच्यावतीने सोडतीसाठी देण्यात आलेल्या पैठणी आणि साई ज्वेलर्सचे १ ग्रॅम सोन्याचा दागिना मिळण्याचा मान श्वेता केसरे, भाग्यश्री पाटील, वैशाली पाटील, सुधाताई पाटील, संगीता निंबाळकर, रूपाली बलुगडे, संगीता सावंत, स्वाती काटकर, शशिकला कोरे, सुशीला साळुंखे यांना मिळाला. या कार्यक्रमाचे सूत्रसंचालन प्रा. वैशाली पाटील यांनी केले.

फोटो - १६०२२०२१-आयएसएलएम-सखी मंच न्यूज १ व २

इस्लामपूर येथे हळदी-कुंकू कार्यक्रमाचे दीपप्रज्वलन माजी नगराध्यक्षा अरुणादेवी पाटील, माजी नगराध्यक्षा शारदादेवी पाटील, जयश्री पाटील, माधुरी यादव, संगीता आणि सरिता सूर्यवंशी, अनिता गोंदकर यांच्याहस्ते करण्यात आले. दुसऱ्या छायाचित्रात सखी सदस्यांनी केलेली गर्दी.