Sangli News | Latest Sangli News in Marathi | Sangli Local News Updates | ताज्यबातम्या सांगली | सांगली समाचार | Sangli Newspaper

सांगली : जिल्ह्यातील विविध पोलिस ठाण्यांनी कारवाई करत पकडलेला तब्बल एक कोटी २० लाख रुपये किंमतीचा गांजा जाळून नष्ट करण्यात आला. भिलवडी येथे वुड फायर बॉयलरमध्ये दिवसभरात हा गांजा नाश करण्यात आला. जिल्ह्यातील ११ पोलिस ठाण्यांकडे दाखल गुन्ह्यातील लागवड, वाहतूक, विक्री आणि सेवन करताना जप्त करण्यात आलेला गांजा अंमली पदार्थ गोदामात ठेवण्यात आला होता. १९९८ पासून २०२२ पर्यंतचा हा माल होता. पोलिस अधीक्षक डॉ. बसवराज तेली यांनी गोदामात असलेला गांजा नष्ट करण्यासाठी न्यायालयीन स्तरावर पाठपुरावा करून याबाबतचा आदेश मिळविला होता. त्यानुसार ११ पोलिस ठाण्याकडील ४५ गुन्ह्यातील गांजा नष्ट करण्याच्या सूचना देण्यात आल्या होत्या.त्यानुसार शुक्रवारी सकाळी १० ते सायंकाळी पाचपर्यंत भिलवडी येथील चितळे उद्योग समूहाच्या वुड फायर बॉयलरमध्ये हा गांजा नाश करण्यात आला. ही प्रक्रिया सुरू असताना प्रदुषण होणार नाही व आजूबाजूच्या लोकांना त्याचा त्रास होणार नाही याबाबत सर्व दक्षता घेण्यात आली होती. अनुचित प्रकार घडू नये म्हणून आरोग्य यंत्रणा, अग्निशमन दल, रासायनिक विश्लेषकांचे पथक, वैध मापन विभागाचे कर्मचारी, प्रदुषण नियंत्रण मंडळाचे अधिकारी उपस्थित होते. चितळे उद्योग समूहाचे अधिकारी व कर्मचाऱ्यांनीही याकामी सहकार्य केले.पोलिस अधीक्षक डॉ. बसवराज तेली यांच्या मार्गदर्शनाखाली अप्पर अधीक्षक तुषार पाटील, अरविंद बोडके, एलसीबीचे निरीक्षक सतीश शिंदे, रासायनिक विश्लेषक वर्षा पाटील यांच्यासह पोलिस अधिकारी उपस्थित होते. बाराशे किलो गांजानाश केलेला गांजा हा जिल्ह्यातील जत, उमदी, मिरज शहर पोलिस ठाणे, महात्मा गांधी चौक पोलिस ठाणे मिरज, सांगली ग्रामीण, विटा, कासेगाव, तासगाव, कवठेमहांकाळ, मिरज ग्रामीण भागातील १२०५ किलो गांजाचा समावेश आहे.

Sangli (Marathi News)

बसमधील विद्यार्थी, प्रवासी किरकोळ जखमी झाल्याची माहिती ...

राज्य, राष्ट्रीय स्पर्धेत अनेक पदकांना गवसणी ...

असा होता कॉपीचा प्लॅन ...

Sangli News: ...

सांगलीवाडीमध्ये रविवारी (दि. ६) दुपारी दत्तात्रय कोळी यांना हे कासव जखमी अवस्थेत आढळले होते. ...

परीक्षा सुरू असताना तपासणीसाठी आलेल्या पथकाच्या निदर्शनास हा प्रकार आल्यानंतर ही कारवाई करण्यात आली. ...