कोरोना बाधितांसाठी पौष्टिक जेवणाचे नो टेंशन !

सांगली : जिल्ह्यात कोविड केअर सेंटरमध्ये उपचारासाठी दाखल असलेल्या रूग्णांच्या आरोग्याबरोबरच त्यांना पौष्टिक आहार मिळावा यासाठी प्रयत्न केले जात आहेत. जेवण पुरविण्यासाठी नेमण्यात आलेल्या कंत्राटदारांना आठवडाभर काय जेवण असावे याबाबतचा ‘चार्ट’ देण्यात आला आहे. दररोजच्या जेवणात विविधता ठेवण्यात आल्याने रूग्णांना दिलासा मिळत आहे.

कोविड केअर सेंटरमध्ये दाखल झालेल्या रूग्णांना जेवण, चहा, नाष्टा याची सोय केली जाते. यासाठी प्रशासनाने काटेकोरपणे नियोजन केले आहे. जेवण पुरविण्यासाठी व्यक्तींची नेमणूक केली असून त्यांना बिलेही वेळेत दिली आहेत. तालुका पातळीवरच बिलांचे नियोजन असले तरी जिल्हा प्रशासन त्यावर लक्ष ठेवून आहे. जिल्ह्यातील काही तालुक्यात मात्र, जेवण पुरविणाऱ्या कंत्राटदारांना वेळेत बिले मिळत नसल्याचे चित्र असले तरी त्याचा कालावधी कमी आहे. सांगलीत जिल्हा क्रीडा संकुलात प्रशासनाकडून कोविड केअर सेंटर सुरू आहे तर मिरज येथील शासकीय तंत्रनिकेतनमध्ये महापालिकेच्या वतीने कोविड सेंटर सुरू करण्यात आले आहे. या दोन्ही ठिकाणी वेळेत बिले मिळत असल्याचे ठेकेदारांनी सांगितले. मिरज येथे तर जेवण तयार करण्यासाठी महापालिकेची यंत्रणा कार्यरत आहे. त्यामुळे तेथील बिलांचा विषयही येत नाही.

चौकट

जिल्ह्यातील कोविड केअर सेंटर ११

सध्या दाखल रूग्ण ---

कोट

इस्लामपूर येथील शासकीय रूग्णालयात सध्या उपचार घेत आहे. प्रशासनाकडून मिळत असलेले जेवण चांगल्या दर्जाचे आहे. अगदी घरातील जेवणासारखे असते त्यामुळे काहीही वाटत नाही. जेवणासह सकाळचा नाष्टा व चहा तसेच इतर सुविधाही समाधानकारक आहेत.

कोट

सांगली क्रीडा संकुलातील कोविड सेंटरमध्ये उपचार घेत आहे. रोज वेगवेगळे जेवण देण्यात येते. त्यामुळे आजारपणातही चव मिळत आहे. प्रशासनाकडून करण्यात आलेली व्यवस्था चांगली असून दोन्ही वेळेस चांगले जेवण मिळत आहे.

कोट

कोरोनावर उपचार घेणाऱ्या रूग्णांना तितकाच पौष्टिक आहार मिळावा यासाठी नियोजन करण्यात येत आहे. तालुका पातळीवरूनच याबाबत नियोजन करण्यात येत आहे. तरीही रूग्णांना चांगल्या दर्जाचे जेवण देण्यात यावे याबाबत सूचना दिल्या आहेत.

डॉ. अभिजित चौधरी, जिल्हाधिकारी