करजगीत वाळू तस्करी; ट्रॅक्टर जप्त

संख : करजगी (ता. जत) येथे अप्पर तहसीलदार हणमंत मेत्रे यांच्या पथकाने बेकायदा वाळू वाहतूक करणारा ट्रॅक्टर (क्र. एमएच १० सीएच ७२०१) जप्त केला.

संख येथील अप्पर तहसीलदार प्रशांत पिसाळ यांच्या बदलीनंतर या भागातील वाळू तस्करांची टोळी पुन्हा एकदा सक्रिय झाली आहे, हे लक्षात येताच नवीन रुजू झालेले तहसीलदार हणमंत म्हेत्रे यांनी पथक नेमून स्वतः या भागात रात्रीची गस्त वाढविली आहे. गुरुवारी रात्री दरीबडची, पांढरेवाडी, पाच्छापूर, खंडनाळ या भागात गस्त घालताना करजगी येथील ट्रॅक्टर वाळू वाहतूक करताना आढळला. ताे जप्त करण्यात आला असून, यापुढेही वाळू तस्करीविरोधात मोहीम सुरू राहणार आहे, असे अप्पर तहसीलदार हणमंत म्हेत्रे यांनी सांगितले.

फोटो : ११ संख १

ओळ : करजगी (ता. जत) येथे महसूलच्या पथकाने ट्रॅक्टर जप्त केला.