राजारामबापू दूध संघाची वाटचाल आदर्शवत

इस्लामपूर : वाळवा तालुक्यातील अनेक कार्यकर्त्यांना राज्यस्तरावरील महत्त्वाच्या संस्थांवर काम करण्याची संधी जलसंपदा मंत्री जयंत पाटील यांनी दिली. विनायकराव पाटील यांनी तोट्यात असणारी महानंद ही संस्था प्रगतीपथावर आणत नफ्यात आणली. त्यांच्या नेतृत्वाखाली राजारामबापू दूध संघ नामांकित संस्था म्हणून वाटचाल करेल, असा विश्वास जिल्हा बॅंकेचे अध्यक्ष दिलीपराव पाटील यांनी व्यक्त केला.

येथील राजारामबापू दूध संघाच्या कार्यस्थळावर जलसंपदा मंत्री जयंत पाटील यांच्या वाढदिवसानिमित्त दुग्धदिन आाणि महिला मेळावा झाला. सिनेअभिनेत्री अक्षया देवधर व राजवीरसिंह राजे (लाडू) यांची प्रमुख उपस्थिती होती. राजारामबापू बॅंकेचे अध्यक्ष प्रा. शामराव पाटील अध्यक्षस्थानी होते. यावेळी तांबवे येथील शहाजीराव दादा पाटील जय भवानी दूध संस्थेस २५ हजार रुपये रोख व राजारामबापू चषक देऊन गौरविण्यात आले.

अक्षया देवधर म्हणाल्या, जलसंपदा मंत्री जयंत पाटील यांच्या मार्गदर्शनाखाली राजारामबापू दूध संघ आणि कृष्णा दूध राज्यभरात लौकिक प्राप्त आहे. विनायकराव पाटील यांनी स्वागत व प्रास्ताविकात संघाच्या प्रगतीचा आढावा घेतला. दूध उत्पादकासाठी अर्थसहाय्यावर दुधाळ जनावरे खरेदी योजना सुरू करीत असल्याचे जाहीर केले.

प्रा. शामराव पाटील म्हणाले, राजारामबापू उद्योग समूहातील सर्व संस्था जयंत पाटील यांच्या नेतृत्वाखाली अतिशय उत्कृष्ट पद्धतीने कार्यरत आहेत. महिला राष्ट्रवादीच्या जिल्हाध्यक्षा छाया पाटील, तालुकाध्यक्षा सुश्मिता जाधव, सभापती शुभांगी पाटील यांनी मनोगत व्यक्त केले.

यावेळी विजयराव पाटील, जे. के. पाटील, बाळासाहेब पाटील, संजय पाटील, अल्लाउद्दीन चौगुले, सुरेश गावडे, दादासाहेब पाटील, नेताजीराव पाटील, विलासराव पाटील, उदयसिंग पाटील, संग्राम फडतरे, पोपटराव जगताप, बबनराव सावंत, अनिल खरात, रमेश पाटील, विकास कांबळे, बजरंग खोत, उज्ज्वला पाटील, बी. बी. भंडारी, पी. डी. साळुंखे उपस्थित होते. उपाध्यक्ष शशिकांत पाटील यांनी आभार मानले.

फोटो ओळी- १६०२२०२१-आयएसएलएम- इस्लामपूर महिला मेळावा न्यूज

इस्लामपूर येथे राजारामबापू दूध संघाच्या मेळाव्यात दिलीपराव पाटील यांनी मार्गदर्शन केले. यावेळी विनायकराव पाटील, अक्षया देवधर, राजवीरसिंह राजे, प्रा. शामराव पाटील, नेताजीराव पाटील, विलासराव पाटील, विजयराव पाटील, बाळासाहेब पाटील उपस्थित होते.