राष्ट्रवादीच्या प्रदेश उपाध्यक्षपदी शिवाजीराव नाईक यांची निवड

शिराळा : ज्येष्ठ नेते व माजी राज्यमंत्री शिवाजीराव नाईक यांची राष्ट्रवादी काँग्रेसच्या प्रदेश उपाध्यक्षपदी निवड करण्यात आली. बुधवारी (दि.२५) उपमुख्यमंत्री अजित पवार, प्रदेशाध्यक्ष सुनील तटकरे व प्रफुल्ल पटेल यांची मुंबई येथील सह्याद्री अतिथीगृह येथील बैठकीमध्ये ही निवड करण्यात आली तसेच त्यांना प्रदेशाध्यक्ष सुनील तटकरे यांचे हस्ते निवडीचे पत्र देण्यात आले. निवडीनंतर शिराळा शहरासह तालुक्यात कार्यकर्त्यांनी मोठी गर्दी करून गुलाल उधळण, आतषबाजी करत जल्लोष केला.माजी राज्यमंत्री नाईक हे तेरा वर्षे सांगली जिल्हा परिषदेचे अध्यक्ष म्हणून उत्कृष्ट केलेले काम, पाच वर्षे सार्वजनिक बांधकाम राज्यमंत्री, त्यानंतर आमदार म्हणून केलेला राजकीय प्रवास हा वाखाण्याजोगा असल्यामुळे व प्रशासनामधील गाडा अभ्यास असल्याने त्यांना राज्यामध्ये काम करण्याचे संधी दिली. या निवडीमुळे शिराळा मतदारसंघांमध्ये व संपूर्ण सांगली जिल्ह्यासह पश्चिम महाराष्ट्रामध्ये उत्साहाचे वातावरण निर्माण झाले आहे.यावेळी आमदार शिवाजीराव गर्जे, निशिकांत भोसले-पाटील, राजेंद्रआण्णा देशमुख,प्रा. पद्माकर जगदाळे, दिग्विजय सूर्यवंशी,रणधीर नाईक,केदार पाटील,अशोक पाटील, शहाजी पाटील,सी,एच.पाटील ,विठ्ठल दळवी आदी उपस्थित होते.