इस्लामपूर शाखेने जपलेली नाट्यपरंपरा महाराष्ट्रात कौतुकास्पद

इस्लामपूर : नाट्य परिषदेच्या इस्लामपूर शाखेने नाट्य परंपरेची जपलेली ही चळवळ महाराष्ट्रात कौतुकास्पद अशी आहे. नाट्य परिषदेच्या चळवळीला राज्यस्तरावर बळ देण्याचे काम आमच्याकडून केले जाईल, अशी ग्वाही सिनेअभिनेते सुशांत शेलार यांनी दिली.

अखिल भारतीय नाट्य परिषद शाखा इस्लामपूरच्यावतीने जयंत पाटील यांच्या वाढदिवसानिमित्त घेण्यात आलेल्या राज्यस्तरीय जयंत करंडक एकांकिका स्पर्धेचे उद्घाटन नाट्य व सिनेअभिनेते शेलार यांच्याहस्ते झाले. तहसीलदार रवींद्र सबनीस अध्यक्षस्थानी होते.

तहसीलदार सबनीस म्हणाले, इस्लामपूरच्या सांस्कृतिक परंपरेत भर घालणारी ही एकांकिका स्पर्धा संपूर्ण महाराष्ट्रातील एक नावाजलेली स्पर्धा बनत आहे. इस्लामपूरच्या सांस्कृतिक नावलौकिकाला साजेशी ही स्पर्धा होत आहे.

स्पर्धेसाठी २८ संघ आल्याची माहिती अखिल भारतीय नाट्य परिषद नियामक मंडळाचे सदस्य डॉ. संदीप पाटील यांनी दिली. नाट्य परिषद शाखा अध्यक्षा वृषाली आफळे यांनी स्वागत व प्रास्ताविक केले. उपाध्यक्ष प्रा. प्रकाश जाधव यांनी परिचय करून दिला. शशिकांत कुलकर्णी यांनी आभार मानले. रमजान मोमीन यांनी सूत्रसंचालन केले.

यावेळी मुख्याधिकारी अरविंद माळी, माजी उपसभापती दामाजी मोरे, राजारामबापू ज्ञान प्रबोधिनीचे अध्यक्ष प्रा. शामराव पाटील, बाबूराव हुबाले, आर. एस. जाखले, प्रवीण पाटील, श्रीमती कल्पना कुंभार, डॉ. अतुल मोरे, रवी बावडेकर, लता कुरलेकर, एम. जी. पाटील, मुकुंद पटवर्धन, श्रीनिवास जरंडीकर, परीक्षक विश्वास पांगारकर, श्रीनिवास एकसंबेकर, डॉ.सुरज चौगुले उपस्थित होते.

फोटो - १४०२२०२१-आयएसएलएम-जयंत करंडक न्यूज

इस्लामपूर येथे जयंत करंडक एकांकिका स्पर्धेच्या उद्घाटनप्रसंगी सुशांत शेलार यांचा सत्कार प्रा. शामराव पाटील यांच्याहस्ते करण्यात आला. यावेळी दामाजी मोरे, बाबूराव हुबाले, वृषाली आफळे, रवींद्र सबनीस, अरविंद माळी, मुकुंद पटर्वधन उपस्थित होते.