इनाम जमिनीसाठी पीक कर्ज देण्याची मागणी

कवठेएकंदमध्ये इनाम जमीन क्षेत्र सुमारे सातशे एकर आहे. सध्या गावकामगार तलाठी देवस्थान इनाम जमिनीवर ई-करार बोजा नोंद करीत नसलेले पीक कर्ज वाटप करता येत नाही. त्यामुळे पीककर्ज व ई-करार बोजा नोंद करणे व पीक कर्ज वाटप सुरू करण्याबाबत शासनामार्फत योग्य त्या सूचना तलाठ्यांना द्याव्यात. त्यामुळे शेतकऱ्यांना शेतातील भांडवलासाठी कर्ज उपलब्ध होईल.

सांगली जिल्हा मध्यवर्ती सहकारी बँकेकडील जा. न. शेती कर्ज बी/१०९० दि. २६-८-२०२० च्या परिपत्रकाप्रमाणे देवस्थान इनाम जमिनीस पीक कर्ज वाटप करताना धर्मादाय सहआयुक्त, कोल्हापूर विभाग, कोल्हापूर यांची परवानगी आवश्यक असल्याचे नमूद केले आहे. यामुळे पीक कर्ज उपलब्ध होत नाही.

तरी देवस्थानच्या इनाम जमिनीवर पीक कर्ज वाटपाबाबत विधानसभेत मागणी करावी, असे निवेदन वसंतदादा पाटील साेसायटीतर्फे आमदार सुमनताई पाटील यांना देण्यात आले. यावेळी संचालक अनिल पाटील, गुणधर शिरोटे आदी उपस्थित होते.