जिल्ह्यात ११४१ जणांना कोरोना; ५१ जणांचा मृत्यू

सांगली : जिल्ह्यातील कोरोनाबाधितांची वाढती संख्या कायम आहे. सोमवारी दिवसभरात १,१४१ जणांना कोरोनाचे निदान होतानाच जिल्ह्यातील ४० तर परजिल्ह्यातील ११ अशा ५१ जणांचा मृत्यू झाला आहे. महापालिका क्षेत्रात सर्वाधिक ११ जणांचा मृत्यू झाला असून, १६९ रूग्ण नव्याने आढळले आहेत. कोरोनाबाधितांची संख्या कायम असताना बरे होणाऱ्यांचेही प्रमाण वाढत आहे. दिवसभरात ९३५ जणांनी कोरोनावर मात केली आहे. दरम्यान, जिल्ह्यातील कोरोनाबाधितांच्या संख्येने सोमवारी ७० हजारांचा टप्पा पार केला.

गेल्या तीन दिवसांपासून जिल्ह्यातील बाधितांची संख्या अकराशेच्यावर स्थिर आहे. रविवारपेक्षा सोमवारी त्यात घट झाली आहे. सोमवारी ४० जणांचा मृत्यू झाला, त्यात सांगली शहरातील ७, मिरज, कुपवाड येथील प्रत्येकी १ यासह वाळवा तालुक्यातील ८, खानापूर ६, आटपाडी, तासगाव तालुक्यात प्रत्येकी ३, जत, कवठेमहांकाळ, मिरज तालुक्यात प्रत्येकी २ तर कडेगाव, पलूस, शिराळा तालुक्यात प्रत्येकी एकाचा समावेश आहे.

सध्या उपचार घेत असलेल्या ११ हजार ५४४ रूग्णांपैकी १,९३० जणांची प्रकृती चिंताजनक आहे. त्यातील १,७३८ जण ऑक्सिजनवर तर १९२ जण व्हेंटिलेटरवर उपचार घेत आहेत.

आरोग्य विभागाने आरटीपीसीआर अंतर्गत २,३१२ जणांच्या नमुन्यांची तपासणी केली, त्यात ६५४ जणांना कोरोनाचे निदान झाले. तर रॅपिड ॲन्टिजेनच्या २,७२६ जणांच्या तपासणीतून ५६२ जण पाॅझिटिव्ह आढळले आहेत.

परजिल्ह्यातून उपचारासाठी सांगली जिल्ह्यात दाखल असलेल्या रूग्णांपैकी ११ जणांचा मृत्यू झाला आहे तर ७५ जणांना कोरोनाचे निदान झाले आहे.

चौकट

बाधितांची संख्या ७० हजारांवर

जिल्ह्यातील कोरोनाबाधितांच्या संख्येने सोमवारी ७० हजारांचा टप्पा पूर्ण केला. यातील ५६ हजार ६४५ जणांनी यशस्वीपणे कोरोनावर मात केली आहे.

चौकट

आतापर्यंतचे एकूण बाधित ७०,३३२

उपचार घेत असलेले ११,५४४

कोरोनामुक्त झालेले ५६,६४५

आतापर्यंतचे एकूण मृत्यू २,१४३

सोमवारी दिवसभरात

सांगली ११३

मिरज ५६

मिरज तालुका १९५

वाळवा १३२

जत १२७

कडेगाव ११४

खानापूर ९४

पलूस ७०

कवठेमहांकाळ ६९

तासगाव ६४

आटपाडी ५४

शिराळा ५३