शासकीय निवासी शाळेत प्रवेश घेण्याचे आवाहन

सांगली : विटा व तासगाव तालुक्यातील कवठेएकंद येथील अनुसूचित जाती व नवबौद्ध मुलांच्या शासकीय निवासी शाळेत मोफत ऑनलाइन व ऑफलाइन प्रवेश देणे सुरू आहे. तरी विद्यार्थ्यांनी प्रवेश घेण्याचे आवाहन करण्यात आले आहे. विटा येथील शासकीय निवासी शाळेत सहावी ते दहावी सेमी इंग्लिश मराठी माध्यम व कवठेएकंद येथील शासकीय निवासी शाळेत सहावी ते नववीला सेमी इंग्लिश व दहावीला मराठी माध्यममध्ये मोफत ऑनलाइन व ऑफलाइन प्रवेश देणे सुरू आहे.

-----

कोरोना नियंत्रणासाठी तालुकानिहाय बैठका

सांगली : जिल्ह्यातील कोरोनास्थिती सध्या स्थिर असलीतरी अद्यापही जादा रुग्ण असलेल्या वाळवा, कडेगाव, मिरज तालुक्यात आता तालुकानिहाय आढावा घेण्यात येणार आहे. पालकमंत्री जयंत पाटील यांच्या उपस्थितीत वाळवा तालुक्यात बैठका झाल्या, तर इतर तालुक्यांतही आता पुढील आठवड्यात बैठका होणार आहेत.

----

बँकांमध्ये गर्दी वाढू लागली

सांगली : जिल्ह्यातील कोरोनास्थिती नियंत्रणात आल्यानंतर बँकांचे नियमित कामकाज सुरू करण्यात आले आहे. फिजिकल डिस्टन्सिंगचे पालन करत व गर्दी न करता बँकात प्रवेश दिला जात आहे. तिसऱ्या स्तरातील समावेशामुळे नागरिकांना बँकेत जाऊन आपले व्यवहार सध्या करता येत आहेत.

----

पूरस्थितीवर आपत्ती कक्षाची नजर

सांगली : जिल्ह्यात मान्सूनचे जोरदार आगमन झाल्याने पाणलोट क्षेत्रातील पाणीपातळीत वाढ होत आहे. त्यामुळे नदीतील पाणी पातळीतील वाढ व इतर मदतीसाठी जिल्हाधिकारी कार्यालय व तालुका पातळीवर कक्ष स्थापन करण्यात आला आहे. जिल्ह्यातील १०४ गावांना पुराचा फटका बसला होता. त्यादृष्टीने पूरनियंत्रणाचे नियोजन करण्यात आले आहे.