जिल्ह्यात ८०२ नवे रुग्ण; २५ जणांचा मृत्यू

सांगली : जिल्ह्यातील कोरोनाबाधितांच्या संख्येत शुक्रवारी काहीशी घट झाली. दिवसभरात ८०२ नवे बाधित आढळले. बाधितांपेक्षा बरे होणाऱ्यांचे प्रमाण वाढले असून, ९८९ जण कोरोनामुक्त झाले. परजिल्ह्यातील दोघांसह जिल्ह्यातील २३ जणांचा मृत्यू झाला. त्यात सांगली ६, मिरज २. कुपवाड १, पलूस, कडेगाव प्रत्येकी ३, वाळवा, मिरज तालुक्यात प्रत्येकी २, जत, शिराळा, खानापूर, तासगाव तालुक्यात प्रत्येकी एकाचा मृत्यू झाला.

दिवसभरात आरटीपीसीआरअंतर्गत २७८१ जणांच्या नमुन्यांची तपासणी केली. त्यात ३३३ जण बाधित आढळले, तर रॅपिड अँटिजनच्या ७४४० जणांच्या नमुन्यांच्या चाचणीतून ४८६ जण पॉझिटिव्ह आढळले.

उपचार घेत असलेल्या ९१०६ रुग्णांपैकी १०५६ जणांची प्रकृती चिंताजनक आहे. यातील ८४९ जण ऑक्सिजनवर, तर २०७ जण व्हेंटिलेटरवर उपचार घेत आहेत. परजिल्ह्यातील दोघांचा मृत्यू झाला, तर १७ नवे रुग्ण उपचारासाठी दाखल झाले.

चौकट

म्युकरमायकोसिसच्या रुग्णसंख्येत शुक्रवारी वाढ होत दोघांना निदान झाले. त्यामुळे बाधितांची संख्या २५५ वर पोहोचली आहे.

चौकट

आतापर्यंतचे एकूण बाधित १३४७५५

उपचार घेत असलेले ९१०६

कोरोनामुक्त झालेले १२१८०५

आतापर्यंतचे एकूण मृत्यू ३८४४

पॉझिटिव्हीटी रेट ८.११

शुक्रवारी दिवसभरात

सांगली ९८

मिरज ३६

आटपाडी ३२

कडेगाव ७८

खानापूर २८

पलूस ५४

तासगाव ५६

जत २९

कवठेमहांकाळ ५३

मिरज तालुका १३२

शिराळा ५५

वाळवा १५१